Gwahardd dau o benaethiaid Prifysgol Abertawe

Diweddarwyd  
Prifysgol Abertawe

Prifysgol Abertawe

Llun: Margaret Darms CC SA 2.0

Mae dau o uwch-swyddogion Prifysgol Abertawe – gan gynnwys yr Is-Ganghellor – wedi cael eu gwahardd o’u gwaith wrth i ymchwiliad mewnol gael ei gynnal.

Mae’r Is-ganghellor, yr Athro Richard B Davies, a deon yr Ysgol Reolaeth, yr Athro Marc Clement, ill dau wedi cael eu gwahardd, ac mae golwg360 yn deall bod dau aelod arall o staff wedi cael eu hatal o’u gwaith hefyd.

Dydy Prifysgol Abertawe ddim wedi manylu ar natur yr ymchwiliad mewnol.

“Gallwn gadarnhau bod yr Is-ganghellor, yr Athro Richard B Davies, a’r Athro Marc Clement, wedi cael eu gwahardd, wrth i ni ddisgwyl am ganlyniad ymchwiliad mewnol,” meddai llefarydd ar ran Prifysgol Abertawe.

Cafodd Richard B Davies, sydd wedi bod yn Is-Ganghellor ers 2003, ei fagu yng ngorllewin Cymru, cyn mynd ymlaen i astudio peirianneg ym Mhrifysgol Caergrawnt a derbyn gradd PhD ym Mhrifysgol Bryste.

Daw Marc Clement yn wreiddiol o Lanelli, ac ar ôl dal nifer o swyddi uwch yn y byd academaidd, cafodd ei benodi yn ddeon yr Ysgol Reolaeth yn 2015.

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer