Ymosodiad seibr “heb effeithio” Gwasg Gomer

Diweddarwyd am  

Llun: CC0

“Niwsans” oedd ymosodiad seibr diweddar ar gyhoeddwr llyfrau yng ngorllewin Cymru, yn ôl Pennaeth Cyhoeddi’r busnes.

Mae Meirion Davies yn dweud bod staff Gwasg Gomer wedi methu â chael at eu ebyst am “gyfnod byr”, ond er gwaethaf hynny mae “pawb wedi dod i ben â hi” erbyn hyn.

Mae ganddyn nhw “gwmni Technoleg Gwybodaeth da” wrth gefn, meddai, ac mae’n mynnu na fydd llyfrau Nadolig y cwmni yn cael eu heffeithio.

“Rydyn ni wedi cael problem â’r peth,” meddai wrth golwg360. “Wnaeth e effeithio ni am dros wythnos. Ond dyw e heb effeithio ein cynhyrchu ni o gwbwl.

“Mae’r argraffdy yn brysur ofnadwy. Ac mae ein llyfrau Nadolig i gyd yn mynd i fod allan. Mae un gyfrol yn yr argraffdy gyda ni yn awr, a bydd hi yn y siopau fel mae hi i fod.

“Dyw e ddim wedi effeithio ni. Roedd e’n niwsans, ond dyw e ddim wedi effeithio ni yn hynny o beth.”

Mae golwg360 yn deall bod cyfrifiaduron, ffeiliau, gwybodaeth a chynnwys eu llyfrau i gyd mewn cwarantîn; a bod staff wedi gorfod cael cyfrifiaduron newydd sbon.

Bygythiad cynyddol

Nid Gwasg Gomer yw’r cwmni Cymreig cyntaf i wynebu’r fath drafferth.

Cafodd gwefan gwasanaeth ffrydio cerddoriaeth Gymraeg, Apton, ei hacio ym mis Ionawr y llynedd, a mynnodd y hacwyr bod pridwerth £200 mewn arian digidol yn cael ei dalu.

Mae Meirion Davies yn rhybuddio bod y bygythiad yn cynyddu, ac mae’n galw ar gwmnïoedd Cymreig i gymryd gofal.

“Wrth i ni fynd yn fwy soffistigedig yn dechnolegol, mae’n dod yn bwysicach i ni fod yn ofalus,” meddai.

“R’yn ni’n eithaf hapus gyda’r sefyllfa r’yn ni’n rhan ohoni. Ond, dw i’n credu ei fod yn rhywbeth sy’n digwydd yn gynyddol. Ac mae’n niwsans i gwmnïoedd.”  

Clonc360

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed