Problemau gamblo – tuag un o bob cant yng Nghymru’n diodde’

 
Carolyn Harris

Carolyn Harris AS

Llun: Llywodraeth Prydain

Mae tuag un o bob cant o bobol Cymru yn diodde’ oherwydd problemau gyda gamblo a mwy na thair gwaith hynny mewn peryg o fod.

Dyna ffigurau a gafodd eu datgelu gan Aelod Seneddol yn ystod dadl yn Nhŷ’r Cyffredin ddoe er mwyn cyflymu’r broses o gyfyngu ar beiriannau gamblo.

Yn ôl yr amcangyfri’ swyddogol, meddai, mae gan 27,000 o bobol yng Nghymru broblemau gamblo ond, yn ôl y Comisiwn Gamblo, mae’r gwir ffigurau’n uwch.

Mae yna amcangyfri’ hefyd fod 95,000 o bobol Cymru mewn peryg o gael problemau o’r fath, sy’n gallu arwain at afiechyd corfforol a meddyliol, dyledion a chwalu perthynas.

‘Grym egwyddor’

Roedd Patricia Gibson o’r SNP yn siarad mewn dadl ar y Gyllideb pan ildiodd y Llywodraeth i alwadau i gyflymu’r broses o gyfyngu ar beiriannau gamblo sydd mewn siopau betio – fixed odds betting terminals – ac o osod treth uwch ar gamblo o bell.

Eu hymgais nhw i ohirio’r cynnydd oedd wedi arwain at ymddiswyddiad y cyn-Ysgrifennydd Chwaraeon, Tracey Crouch.

Fe gafodd AS Dwyrain Abertawe, Carolyn Harris, ei chanmol yn ystod y ddadl am ei gwaith yn ymgyrchu yn y maes – hi yw Cadeirydd y Grwp Pob-Plaid ar Beiriannau FOGT.

Wrth siarad ei hun, fe roddodd rybudd i’r Llywodraeth: “Alla’ i ddim ond dweud un peth; dysgwch o hyn a pheidiwch byth â dibrisio grym egwyddor.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones