Staff cwmni gofal bellach yn gweithio i Gyngor Sir Gaerfyrddin

Diweddarwyd  
Dwylo person oedrannus

Llun: John Stillwell/PA Wire

Mae Cyngor Sir Gaerfyrddin yn gweithredu cynlluniau wrth-gefn er mwyn sicrhau nad yw cyhoeddiad gan gwmni gofal yn effeithio ar wasanaethau o fewn y sir.

Ddiwedd yr wythnos ddiwethaf (Tachwedd 16), fe gyhoeddodd Allied Healthcare, sy’n darparu gofal yn y cartref i 120 o gleientiaid yn Sir Gaerfyrddin, y bydd yn rhaid iddyn nhw drosglwyddo contractau oherwydd problemau ariannol.

Yn ôl y cyngor, roedden nhw’n barod wedi paratoi cynlluniau ar gyfer sefyllfa o’r fath, ac fe fyddan nhw’n cwrdd a chynrychiolwyr y cwmni heddiw er mwyn trafod y camau nesaf.

Mae’r rheiny’n cynnwys trosglwyddo tua 80 o staff sy’n darparu gofal ar ran Allied Healthcare i gyflogaeth Cyngor Sir Gaerfyrddin.

“Gofal yn parhau”

“Yn bwysicaf oll, rydym am roi sicrwydd i’r bobol hynny sy’n derbyn gwasanaeth, a’u teuluoedd, y mae cyhoeddiad Allied yn effeithio arnyn nhw, y bydd eu gofal yn parhau,” meddai’r Cynghorydd Jane Tremlet, aelod o’r Bwrdd Gweithredol sy’n gyfrifol am Iechyd a Gofal Cymdeithasol.

“Rydym yn cwrdd â’r cwmni heddiw gyda’r bwriad o nodi oddeutu 80 elod o staff sy’n darparu gofal cartref ar ran Allied i bobol yn Sir Gaerfyrddin, a’u trosglwyddo i gyflogaeth Cyngor Sir Gaerfyrddin.

“Byddwn yn ysgrifennu at staff a defnyddwyr gwasanaethau heddiw i roi’r sicrwydd angenrheidiol.”

Cymru

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed