Cwmnïau niwclear yn achub llyfrgell ym Môn

 
Llun gwneud o sut y bydd yr atomfa newydd yn edrych

Safle Wylfa Newydd

Llun: Horizon

Mae arian gan ddau gwmni sy’n gysylltiedig â gorsaf ynni niwclear bosib Wylfa Newydd ym Môn, yn golygu y bydd llyfrgell mewn pentref cyfagos yn cael ei hachub a’i throi’n ganolfan gymunedol.

Bydd arian gan Horizon a Magnox yn cael ei ddefnyddio i adnewyddu’r llyfrgell ac i wella’r cyfleusterau a’r adnoddau ynddi.

Yn ôl Horizon, sy’n darparu arian trwy ei Chynllun Buddsoddi Cymunedol, y nod yw darparu’r “nofelau Cymraeg a Saesneg diweddaraf”, yn ogystal â “chyfrifiaduron newydd” a help ar gyfer meithrin sgiliau Technoleg Gwybodaeth.

Bydd y llyfrgell hefyd yn derbyn cymorth gan Gyngor Cymuned Llanbadrig a Chyfeillion Llyfrgell Cemaes.

“Diolchgar”

Yn ôl Aled Morris-Jones, ysgrifennydd Cyfeillion Llyfrgell Cemaes a chynghorydd sir tros ward Twrcelyn, mae llyfrgelloedd yn darparu “gwasanaethau cymunedol hanfodol”.

“Pan gafodd y llyfrgell ei henwi ar y rhestr fer i’w chau, fe welsom ni ymdrech go-iawn gan bobol leol i’w chadw ar agor a sicrhau ei dyfodol,” meddai.

“Rydyn ni’n eithriadol o ddiolchgar bod Horizon, Magnox a Chyngor Cymuned Llanbadrig wedi gallu ein helpu i gadw’r drysau ar agor ar yr un pryd â gwella cyfleusterau a darparu rhagor o adnoddau ar gyfer y bobol mae’n eu gwasanaethu.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed