Dynes anabl o Lanelli yn herio Theresa May

 
Theresa May

Theresa May

Llun: Jette Carr (CC0)

Mae Cymraes wedi holi’r Prif Weinidog ynghylch ei chynlluniau ar gyfer sicrhau y bydd meddyginiaeth ar gael yn rhwydd yn dilyn Brexit.

Wrth ateb Julia o Lanelli fe ddywedodd Theresa May fod “camau cywir” wedi’u cymryd er mwyn sicrhau y bydd meddyginiaethau ar gael yn y Deyrnas Unedig yn dilyn Brexit.

Dyna ddywedodd y Prif Weinidog fore dydd Gwener (Tachwedd 16) wedi iddi gael ei herio ar orsaf radio LBC (Cwmni Darlledu Llundain).

Wrth siarad â’r Prif Weinidog, dywedodd Julia ei bod yn anabl ac yn gaeth i’w gwely, a’i bod yn ddibynnol ar feddyginiaeth i’w chadw’n fyw.

“Am ba mor hir bydd yn rhaid i bobol sâl boeni am eu meddyginiaeth?” meddai’r ddynes o Lanelli.

Ymateb Theresa May oedd bod cynlluniau wrth gefn yn cael eu paratoi er mwyn sicrhau cyflenwad o feddyginiaeth petasai Brexit yn digwydd heb ddêl.

“Mae’r Adran Iechyd wrthi’n gwneud yn siŵr y bydd meddyginiaethau yn dal i fod ar gael,” meddai’r Prif Weinidog.

“Mae’r adran yn cymryd y camau cywir er mwyn gwneud yn siŵr bod meddyginiaethau ar gael i bobol, hyd yn oed os oes yna broblemau ar y ffin.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed