Dafydd Wigley: “Diffyg ymgynghori sy’n gyfrifol am smonach Brexit”

Diweddarwyd  

Dafydd Wigley

Llun o wefan Plaid Cymru

Diffyg ymgynghori â phleidiau – a llywodraethau datganoledig – sydd wedi arwain at helyntion diweddaraf Brexit, yn ôl cyn-Arweinydd Plaid Cymru.

Mae Dafydd Wigley, aelod o Dŷ’r Arglwyddi, yn galw’r sefyllfa yn “smonach” a’n atseinio safbwynt ei blaid tros y mater.

Pryder Plaid Cymru yw bod llywodraethau Cymru a’r Alban wedi cael triniaeth israddol, tra bod Gogledd Iwerddon – a’i hopsiwn i aros yn y farchnad sengl – yn cael ei thrin ffafriol.

Mae’r cyn-Arweinydd yn dweud ei fod wedi codi’r mater yn yr uchel dŷ, a bod cynrychiolydd o Lywodraeth San Steffan wedi anwybyddu’i gais.

“Doedd y gweinidog oedd yn ateb ddim yn hoffi’r cwestiwn felly wnaeth hi ateb cwestiwn gwahanol ynglŷn â’r undeb tollau!” meddai wrth golwg360.

“Does yna ddim ymgynghoriad o gwbl wedi bod ef Llywodraeth Cymru ynglŷn â chynnwys y papur gwyn yma. Ac mae hynna’n gwbl groes i beth oedden nhw wedi addo ar ddechrau’r broses.

“… Roedd dyn yn disgwyl i hyn fod yn digwydd oherwydd doedd yn a ddim sail drawsbleidiol effeithiol i’r drafodaeth oedd gan y llywodraeth.”

Diwrnod o helynt

Ar brynhawn dydd Mercher (Tachwedd 14) cyhoeddodd y Prif Weinidog, Theresa May, bod ei chabinet yn cefnogi ei chynllun drafft tros adael yr Undeb Ewropeaidd.

Ond, ar dydd Iau (Tachwedd 15) mae wedi dod yn dra amlwg nad oedd y cabinet yn hollol fodlon.

Mae llu o weinidogion bellach wedi camu o’r neilltu, gan gynnwys yr Ysgrifennydd Brexit, Dominic Raab; a’r Gweinidog Gogledd Iwerddon, Shailesh Vara.

Cymru

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed