“Rhaid gwneud iechyd meddwl yn bwnc gorfodol mewn ysgolion”

Diweddarwyd am  
Dyn yn dal papur ag arno'r gair "Help"

Llun parth cyhoeddus CC0

Mae angen gwneud mwy mewn ysgolion yng Nghymru i atal bechgyn rhag lladd eu hunain, yn ôl elusen.

Daw’r alwad gan y Samariaid yng Nghymru wrth i ystadegau ddangos bod lefelau uchel o ddynion yng Nghymru yn dewis diweddu eu bywydau.

Yn 2017, bu farw 360 o bobol yng Nghymru o ganlyniad i hunanladdiad, gyda 77% o’r rheiny’n ddynion.

Mae’r elusen hefyd yn dangos mai dynion sydd rhwng 40 a 44 sydd fwyaf tebygol o ladd eu hunain, a’r ffaith bod y lefel o hunanladdiadau ddwywaith i deirgwaith yn fwy mewn ardaloedd tlawd o gymharu â rhai cyfoethog.

“Wynebu’r dyfodol gydag optimistiaeth”

Er bod y Samariaid yng Nghymru yn croesawu’r cwricwlwm addysg newydd a fydd yn cael ei gyflwyno i ysgolion yng Nghymru cyn hir, maen nhw galw am addysg orfodol ar iechyd meddwl.

Mae angen hyn, medden nhw, er mwyn lleihau’r pwysau emosiynol ar blant a phobol ifanc ac i roi hyder i athrawon allu trafod materion sy’n ymwneud ag iechyd meddwl gyda’u disgyblion.

“Rhaid inni arfogi bechgyn a dynion ifanc â’r gwydnwch a’r sgiliau i reoli eu hiechyd emosiynol a’u hiechyd meddwl fel y gallan nhw wynebu’r dyfodol gydag optimistiaeth,” meddai Sarah Stone, Cyfarwyddwr Gweithredol y Samariaid yng Nghymru.

“Rhaid i waith effeithiol i atal hunanladdiadau gael ei seilio ar ataliaeth ac ymyrraeth gynnar er mwyn inni leihau nifer y bobol sy’n cyrraedd pwynt argyfwng ar ben arall y raddfa.”

Addysg

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed