Cyngor Caerdydd yn gofyn am syniadau er mwyn arbed £35.2m

Diweddarwyd am  
Caerdydd

Cyngor Caerdydd

Logo’r Cyngor

Mae Cyngor Caerdydd yn gofyn am farn trigolion y brifddinas ynglŷn â sut y gallan nhw arbed £35.2m y flwyddyn nesaf.

Daw hyn wrth i nifer o gynghorau lleol yng Nghymru wynebu toriadau yn eu cyllidebau.

Dywed Cyngor Caerdydd mai eu cyllideb bresennol yw £609m, gyda 65% (£397m) o’r swm hwnnw’n cael ei wario ar ysgolion a gwasanaethau ysgolion.

Ond er bod disgwyl i’r cyngor weld cynnydd o 0.4% (£1.6m) yn eu cyllideb y flwyddyn nesaf, bydd dal angen arbed £35.2m, medden nhw.

“Nonsens llwyr”

“Nid yw’r sôn diweddar am ddiwedd llymder a mwy o arian i’r sector cyhoeddus yn wirionedd y bydd unrhyw un ym maes llywodraeth leol yn ei adnabod – mae’n nonsens llwyr,” meddai’r Cynghorydd Chris Weaver, yr aelod tros Gyllid, Moderneiddio a Pherfformiad ar y Cabinet.

“Yn anffodus, mae ein cyllideb mewn termau real yn cael ei thorri eto fyth.

“Mae cynghorau ledled gwledydd Prydain dan bwysau cynyddol, a’r gwasanaethau mae ein dinasyddion yn dibynnu arnyn nhw fydd yn dwyn baich y llymder peryglus hwn nad oes golwg y daw i ben.”

Opsiynau

Ymhlith argymhellion y cyngor ar gyfer arbed arian yw cynyddu Treth y Cyngor gan 4.3%, gosod cap ar dwf cyllideb ysgolion neu ddefnyddio’r £4m sydd ganddyn nhw wrth gefn.

Maen nhw hefyd yn ystyried:

  • Dod o hyd i denant ar gyfer y Theatr Newydd;
  • Cynyddu cost amlosgiadau o £560-£650 a chladdedigaethau o £660-£760;
  • Cynyddu cost dirwyon gollwng sbwriel o £80 i £100;
  • Ceisio lleihau cymorthdaliadau ar gyfer digwyddiadau;
  • Trosglwyddo eiddo mewn parciau, fel ystafelloedd newid, i grwpiau chwaraeon.

Bydd yr ymgynghoriad yn cael ei gynnal dros gyfnod o chwe mis, a hynny o Dachwedd 16 i Ionawr 2, 2019.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed