1,260 yn arwyddo deiseb ‘Anfonwch Simon Thomas i’r carchar’

Diweddarwyd am  
Simon Thomas

Simon Thomas

Llun: Cynulliad Cenedlaethol Cymru CC 2.0

Mae dros fil o bobol wedi arwyddo deiseb yn galw am adolygiad o ddedfryd y pedoffeil a chyn-Aelod Cynulliad, Simon Thomas.

Cafodd y cyn-wleidydd ei ddedfrydu i 26 wythnos o garchar – wedi’i ohirio am ddwy flynedd – ar Hydref 31, wedi i gannoedd o luniau anweddus o blant gael eu darganfod yn ei feddiant.

Ef oedd Aelod Cynulliad Plaid Cymru tros Ganolbarth a Gorllewin Cymru ers 2011, ac roedd nifer o’r lluniau yn ei feddiant yn dod dan y categori mwyaf eithafol.

Mae’r ddedfryd eisoes wedi cael ei beirniadu’n hallt, a bellach mae dau gynghorydd tref Llafur o Geredigion, wedi sefydlu deiseb dan yr enw ‘Anfonwch Simon Thomas i’r carchar’.

Cynghorydd tref Aberystwyth, Claudine A Young, a Chynghorydd Tref Llanbedr Pont Steffan, Dinah Mulholland, sy’n gyfrifol am y ddeiseb, a hyd yma mae 1,260 wedi ei arwyddo.

Yn ogystal â galw am adolygiad o achos Simon Thomas, mae’r ddeiseb yn galw ar y Cyngor Dedfrydu i “adolygu’r canllawiau ynghylch meddu a chreu lluniau anweddus o blant”.

Mae hefyd yn galw am gyfeirio’r Barnwr Gwyn Jones – a ddedfrydodd Simon Thomas – at Swyddfa Ymchwiliadau i Ymddygiad Barnwrol.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed