Carwyn Jones i gwrdd ag arweinwyr yn Ynys Manaw

Diweddarwyd am  
Llun pen ac ysgwydd o Brif Weinidog Cymru

Carwyn Jones

Llun: Cynulliad Cenedlaethol Cymru CC 2.0

Bydd Prif Weinidog Cymru yn cymryd rhan mewn cyfarfod arbennig ar Ynys Manaw yn ddiweddarach, lle bydd Brexit yn brif bwnc trafod.

Yn ymuno â Carwyn Jones fydd, Taoiseach Gweriniaeth Iwerddon, Leo Varadkar; Prif Weinidog yr Alban, Nicola Sturgeon; a Gweinidog Swyddfa’r Cabinet yn San Steffan, David Lidington.

Bydd cynrychiolwyr o lywodraethau Guernsey, Jersey ac Ynys Manaw hefyd yn cymryd rhan yng nghynhadledd y Cyngor Prydeinig Gwyddelig.

Dyma fydd 31ain cyfarfod y fforwm a gafodd ei sefydlu yn rhan o gytundeb heddwch Gwener y Groglith yng Ngogledd Iwerddon.

Dyw gweinidogion Gogledd Iwerddon heb gymryd rhan ers rhai blynyddoedd yn sgil disodli llywodraeth y wlad, a’r anghydfod rhwng ei phleidiau.

Brexit ac Iwerddon

Hon fydd cyfarfod diwethaf y Cyngor Prydeinig Gwyddelig cyn Brexit, a daw wrth i densiynau tros ffin Iwerddon gyrraedd ei hanterth.

Hyd yma mae’r Deyrnas Unedig a’r Undeb Ewropeaidd wedi methu â chytuno ar gynllun wrth gefn a fyddai’n rhwystro ffin galed ar yr ynys.

Hoffai’r Undeb Ewropeaidd weld Gogledd Iwerddon yn cydymffurfio â’u rheolau nhw – cam a fyddai’n meddalu’r ffin ar yr ynys, ond mewn gwirionedd yn codi ffin ym môr yr Iwerydd.

Mae’r DUP (Y Blaid Ddemocrataidd Unoliaethol) wedi gwrthwynebu hyn, a’n ddiweddar wedi beirniadu Prif Weinidog y Deyrnas Unedig, Theresa May, am ei safiad hithau.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed