Gwleidydd yn agor pencadlys S4C – gan ddweud na welodd yr un rhaglen

Diweddarwyd  
Llun o'r adeilad sydd i'w godi yng Nghaerfyrddin

Cynllun Yr Egin

Llun cyhoeddusrwydd

Mae’r aelod o lywodraeth San Steffan sy’n gyfrifol am ddarlledu wedi agor pencadlys newydd S4C yng Nghaerfyrddin – gan gyfaddef yr un pryd nad yw erioed wedi gwylio’r sianel. 

Jeremy Wright, y Gweinidog Diwylliant, oedd yn torri’r rhuban yn Yr Egin heddiw (dydd Iau, Tachwedd 8) pan wnaeth ei sylwadau sydd wedi gwylltio ymgyrchwyr iaith a’r rheiny sydd am weld y cyfrifoldeb am ddarlledu yn cael ei ddatganoli i Fae Caerdydd.

Mewn ymateb, dywedodd Heledd Gwyndaf, Cadeirydd Grŵp Ymgyrchu Dyfodol Digidol Cymdeithas yr Iaith Gymraeg, fod hyn “yn warthus, yn siom, yn drist”… er nad oedd chwaith wedi ei synnu. 

“Y mae’r sylwadau hyn gan Ysgrifennydd Gwladol San Steffan yn cadarnhau bod angen datganoli grymoedd darlledu i Gymru,” meddai. “Pa synnwyr sydd fod grymoedd dros reoleiddio a gwneud penderfyniadau am ddarlledu yn gorwedd yn nwylo sefydliad mewn gwlad arall?

“Y mae’n hollol warthus nad yw Jeremy Wright erioed wedi gwylio S4C ac yn dangos yn glir nad fe – nag unrhyw weinidog arall yn San Steffan – ddylai fod yn gyfrifol am ddarlledu yng Nghymru. Galwn eto ar y Llywodraeth yn San Steffan felly i ddatganoli darlledu yng Nghymru, i Gymru.”

Cymru

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed