Rhoi stop ar garcharu pobol am beidio talu treth cyngor

 

(Llun Parth Cyhoeddus)

Mae Llywodraeth Cymru wedi cyhoeddi na fydd pobol yn cael carchar am beidio â thalu treth y cyngor o fis Ebrill 2019 ymlaen.

Dywed yr Ysgrifennydd Cyllid, Mark Drakeford, fod yr arfer o garcharu pobol sy’n mynd i ddyled sifil yn “hen ffasiwn” ac yn “anghymesur”.

Mae’n ychwanegu bod y newidiadau y mae’n bwriadu eu cyflwyno i’r system bresennol yn golygu y bydd yna gyfathrebu “cadarnhaol” rhwng dinasyddion a chynghorau sir.

Bu ymgynghoriad cyhoeddus ar y mater, gyda Llywodraeth Cymru’n derbyn 188 o ymatebion a oedd yn gefnogol i’w cynigion.

“Mae talu treth cyngor yn hanfodol er mwyn cynnal y gwasanaethau cyhoeddus yr ydyn ni i gyd yn dibynnu arnyn nhw bob dydd,” meddai Mark Drakeford.

“Fodd bynnag, mae’n iawn hefyd fod y rhai sy’n llai abl i gyfrannu yn cael eu trin yn deg a chydag urddas.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Anrhydeddau Gorsedd y Beirdd 2019