Brexit a datganoli: ‘Bydd deddfu yn fwy cymhleth’

 
Baner Jac yr Undeb gyda'r gair Brexit drosti

Llun: CC0

Does dim sicrwydd ynglŷn â sut fydd Brexit yn effeithio ar ddatganoli, ond mae disgwyl iddo wneud y broses o ddeddfu yn “fwy cymhleth”.

Dyna farn Hedydd Phylip, academydd o Ganolfan Llywodraethiant Cymru a fydd yn trafod y mater mewn digwyddiad Fabians Cymru y p’nawn yma.

“Mae Brexit yn golygu bod pa bwerau sydd wedi’u datganoli yn llawer mwy amwys,” meddai wrth golwg360.

“Ac mae’n golygu bod y broses o ddeddfu dros y meysydd yma, yn awr, yn broses lot fwy collaborative rhwng Caerdydd a Llundain.

“Does dim [ateb du a gwyn ynglŷn â sut effaith bydd Brexit yn cael ar ddatganoli]. Achos dydyn ni ddim yn gwybod beth fydd y deddfau yma.

“Yn 2017 roedd yna ymgais i wneud datganoli yn gliriach – Deddf Cymru. Ac mae’r broses Brexit yn dadwneud peth o’r gwaith yna.

“Oherwydd mae’n gwneud y broses o ddeddfu mewn meysydd datganoledig yn fwy cymhleth.”

Y Mesur Ymadael

Yn dilyn Brexit, bydd meysydd a oedd arfer dod dan awdurdod yr Undeb Ewropeaidd yn dod yn gyfrifoldebau i wledydd Prydain.

A bydd angen penderfynu pwy sy’n gyfrifol am ba feysydd – y llywodraethau datganoledig neu San Steffan.

Y Mesur Ymadael yw’r ddeddf a fydd yn penderfynu hyn, ac mae’r gwaith o ddod i gasgliad tros y mater yn parhau.

Gwnaeth y llywodraethau datganoledig gyhuddo Llywodraeth San Steffan o geisio cipio pŵer ar ddechrau’r broses hwnnw.

Mae Hedydd Phylip yn cydnabod bod sail i’r honiad yna yn wreiddiol, ac mae’n dweud bod yna “farc cwestiwn” o hyd ynglŷn ag ydy Cymru a’r Alban yn cael eu twyllo.

Dan y drefn bresennol, byddai modd i Gynulliad newid cyfreithiau mewn rhai meysydd, ond mewn meysydd eraill byddai modd i Lywodraeth y Deyrnas Unedig “rhewi pwerau”, meddai.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer