Prifysgol Bangor angen arbed £5m

Diweddarwyd am  
Y coleg ar y bryn

Prifysgol Bangor

Llun parth cyhoeddus

Mae staff Prifysgol Bangor wedi cael llythyr yn eu rhybuddio bod eu swyddi yn y fantol.

Ysgrifennodd yr Is-Ganghellor John Hughes i roi gwybod i’r gweithwyr bod y brifysgol yn gorfod arbed £5 miliwn.

Yn ei lythyr mae’r boss yn dweud bod llai o fyfyrwyr, ynghyd â chynnydd cyflogau a chostau pensiwn, yn golygu bod angen arbed arian.

Fe dorrodd y brifysgol £8.5miliwn o’i chyllideb y llynedd ac osgoi diswyddo staff yn orfodol.

Ond mae hynny yn opsiwn y tro hwn, yn ôl John Hughes: “Bydd telerau diswyddo gwirfoddol yn cael eu hystyried mewn rhai ardaloedd, ond yn anffodus, ni allwn ddiystyru’r angen am ddiswyddiadau gorfodol ar hyn o bryd.”

Yn ôl y llefarydd Prifysgol Bangor, maen nhw yn ymgynghori gyda staff ac undebau.

Y brifysgol dan bwysau

“O ganlyniad i amrediad o ffactorau, mae’n debygol y bydd lefelau incwm y Brifysgol yn parhau i fod dan bwysau yn ystod y blynyddoedd nesaf,” meddai llefarydd.

“Gyda hyn mewn golwg, mae’r brifysgol yn edrych i leihau ei chostau ochr yn ochr â cheisio cynyddu ei hincwm lle bo hynny’n bosib.

“Yn seiliedig ar y rhagamcanion diweddaraf, bydd angen sicrhau lleihad o £5m i’n costau eleni, gydag arbediad mwy yn debygol y flwyddyn nesaf.

“Mae nifer o gamau yn cael eu hystyried wrth gyflawni’r arbedion hyn a bydd y brifysgol yn ymgynghori â staff a’r undebau llafur wrth i fanylion pellach ddod i law dros y misoedd nesaf.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed