Ystyried Wylfa B: tridiau o gyfarfodydd ar Faes Sioe Môn

Diweddarwyd am  
Llun gwneud o sut y bydd yr atomfa newydd yn edrych

Safle Wylfa Newydd

Llun: Horizon

Mae cyfres o wrandawiadau a fydd yn ystyried cais am ganiatâd cynllunio i ddatblygu Wylfa Newydd, yn cychwyn heddiw (dydd Mawrth, Hydref 23).

Bydd y gwrandawiadau’n cael eu cynnal ar Faes y Sioe ym Mona dros y tridiau nesaf, lle bydd yr Arolygiaeth Gynllunio yn ystyried cais gan y cwmni niwclear, Horizon.

Yn dilyn y cyfarfodydd, bydd yr Arolygiaeth yn cyflwyno argymhelliad i Lywodraeth Prydain, a nhw wedyn fydd yn penderfynu pa un a ddylai caniatâd gael ei roi ai peidio.

Yn ôl Cyngor Sir Fôn, maen nhw am sicrhau bod y cynlluniau ar gyfer Wylfa Newydd yn cael eu “harolygu a’u herio er mwyn diogelu’r canlyniadau gorau posib i’r ynys.”

Cynllun “sylweddol a chymhleth”

“Mae’r Wylfa Newydd yn brosiect seilwaith ynni enfawr o bwysigrwydd cenedlaethol,” meddai Llinos Medi, Arweinydd Cyngor Sir Fôn.

“Mae maint a chymhlethdod y cynllun gerbron yn sylweddol a chymhleth ac mae’r gwaith o’i archwilio yn hanfodol.

“Mae’n blaenoriaeth ni’n parhau’r un fath. Rydym wedi’n hymrwymo i ddiogelu a sicrhau’r fargen orau i gymunedau leol os yw’r Wylfa Newydd yn mynd ymlaen.”

Mae ymgyrchwyr o’r grŵp PAWB wedi mynegi eu gwrthwynebiad i’r datblygiad droeon, gan ddweud y bydd Wylfa B yn achosi “dinistr amgylcheddol”.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn