Pedwar aelod o bwyllgor canolog Yes Cymru wedi ymddiswyddo

Diweddarwyd  

Mae Yes Cymru wedi diolch i bedwar aelod o’r pwyllgor canolog yn dilyn eu penderfyniad i ymddiswyddo.

Mae ymddiswyddiadau’r cadeirydd Iestyn ap Rhobert, yr is-gadeirydd Rhydian Hughes, yr ysgrifennydd Moelwen Gwyndaf a’r trysorydd Gweirydd ap Gwyndaf yn gadael pump aelod ar ôl.

Bydd y rhai sydd ar ôl yn rhannu dyletswyddau’r pwyllgor canolog rhyngddyn nhw am y tro, ac fe fydd cyfarfod cyffredinol arbennig yn cael ei gynnal ymhen deufis i ethol pwyllgor newydd.

Yr aelodau sy’n dal ar y pwyllgor yw Dilys Davies, Matthew Ford, Gwyn Llewelyn, Tricia Roberts a Leon Russell.

Mewn cyfarfod cyffredinol yn ddiweddar, penderfynodd Yes Cymru gynnal ymgynghoriad ar gyfansoddiad y mudiad, ac i gynnal cyfarfod cyffredinol arbennig i bleidleisio ar newidiadau sydd wedi cael eu cynnig. Ond mae’r ymddiswyddiadau diweddaraf yn golygu bod y broses honno wedi cael ei gohirio am y tro.

Ymateb Yes Cymru

Wrth ymateb i’r ymddiswyddiadau mewn datganiad ar eu gwefan, dywedodd Yes Cymru, “Hoffai Yes Cymru ddiolch iddynt oll am y gwaith enfawr a’r ymrwymiad a roddwyd ganddynt i’r achos dros annibyniaeth i Gymru.

“Maent wedi chwarae rhan bwysig yng ngwaith y Pwyllgor Canolog, sydd wedi cymryd Yes Cymru o syniad i ymgyrch genedlaethol, gan arwain y cynnydd mewn cefnogaeth o annibyniaeth i Gymru.”

Eglura’r datganiad y bydd 16 aelod newydd yn cael eu hethol trwy bleidlais i’r pwyllgor canolog, ac y bydd enwebiadau’n agor dros yr wythnosau nesaf.

“Wrth i Yes Cymru barhau i dyfu, rydym yn anelu i ddatblygu a chryfhau’r cyfansoddiad newydd gyda chymorth ein haelodau, i wneud Yes Cymru yn addas fel sefydliad aml-aelod, llawr-gwlad sy’n cael ei arwain gan yr aelodau.

“Yn ystod y bennod newydd hon o Yes Cymru, rydym hefyd yn anelu i wneud y Pwyllgor Canolog yn fwy tryloyw ac yn fwy atebol i’n haelodau a’n grwpiau lleol.

“Hoffem ddiolch unwaith eto i’r swyddogion sydd wedi ymadael am eu holl waith. Trwy gryfder ac undod fe gyflawnwn ein nod o Gymru annibynnol.”

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Anrhydeddau Gorsedd y Beirdd 2019