Steffan Lewis yn cefnogi’r frwydr yn erbyn canser

 

Steffan Lewis

Llun: Cynulliad Cenedlaethol Cymru CC 2.0

Mae Aelod Cynulliad sy’n brwydro â chanser wedi cefnogi  ymgyrch a fydd yn ariannu ymchwil i’r salwch.

Derbyniodd Steffan Lewis ei ddiagnosis ym mis Rhagfyr y llynedd, ac ar hyn o bryd mae’r aelod Plaid Cymru ar dreial clinigol.

Yn sgil ei brofiadau yntau, mae’r Aelod Cynulliad wedi penderfynu cefnogi gwaith ymgyrch ‘Stand Up To Cancer’.

“Rwy’n gwybod pa mor bwysig yw ymchwil gan fy mod i ar dreial cyffuriau clinigol fy hun,” meddai. “Oni bai am ymgyrchoedd fel Stand Up To Cancer, ni fyddai cleifion fel fi yn cael budd o’r triniaethau diweddaraf.

“Rwy’n ymateb yn dda i’r driniaeth ac wedi medru cael saib o’r sesiynau cemotherapi. Fy ngobaith yw y medraf barhau gyda’r treial a chael dathliadau da dros y Nadolig a’r Flwyddyn Newydd gyda fy nheulu.”

Ymgyrchu

Ymgyrch ar y cyd rhwng Cancer Research UK a Channel 4 yw ‘Stand Up To Cancer’ a gafodd ei lansio yn 2012.

Hyd yma maen nhw wedi llwyddo codi £38 miliwn, ac wedi derbyn cefnogaeth gan lu o enwogion gan gynnwys y gyflwynwraig, Davina McCall, a’r comedïwr, Alan Carr.

Mae’r cyhoedd wedi’u hannog i wneud cais am ‘becyn codi arian’ fel eu bod yn medru cyfrannu at yr ymgyrchu.

FIDEO o Steffan Lewis yn mynegi cefnogaeth i’r achos…

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones