£2,000 i Batagoniaid ddod yma i wella eu Cymraeg

Diweddarwyd am  

Mae cyfle i dri dysgwr o Batagonia dderbyn £2,000 er mwyn teithio i Gymru lle byddan nhw’n astudio’r Gymraeg.

Y nod yw rhoi’r cyfle i dri pherson o’r Wladfa dreulio cyfnod o fis yng Nghymru yn dilyn cwrs Cymraeg naill ai ym Mhrifysgol Aberystwyth neu Brifysgol Caerdydd.

Ar ôl dilyn y cwrs wedyn, bydd disgwyl i’r tri fynd ati i ddefnyddio’r Gymraeg yn y Wladfa, gan gyfrannu at y bywyd Cymraeg yno trwy gyfrwng gweithgareddau neu ddosbarthiadau.

Mae’r arian yn cael ei ddarparu gan y Ganolfan Dysgu Cymraeg Genedlaethol, y corff sy’n cael ei ariannu gan Lywodraeth Cymru i drefnu cyrsiau dysgu Cymraeg i oedolion.

‘Cadw’r Gymraeg yn fyw’

“Ry’n ni’n gyffrous iawn i gynnig y tair ysgoloriaeth yma i bobol o’r Wladfa sy’n awyddus i ddod i Gymru i ddysgu ac i wella’u Cymraeg,” meddai Efa Gruffudd Jones, Prif Weithredwr y Ganolfan Dysgu Cymraeg Genedlaethol.

“Ry’n ni’n ymfalchïo yn y berthynas unigryw sydd rhwng Cymru a’r Ariannin, ac yn falch iawn o fedru cynnig cymorth i sicrhau bod y Gymraeg yn parhau’n rhan o fywyd cymunedau ym Mhatagonia.”

Y dyddiad cau ar gyfer ymgeisio am y tair ysgoloriaeth yw Hydref 26.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed