Neil McEvoy yn gandryll tros bleidlais dympio mwd niwclear

Diweddarwyd am  
Safle atomfa newydd Hinkley Point C yng Ngwlad yr Haf

Safle atomfa newydd Hinkley Point C yng Ngwlad yr Haf

Llun: Gwefan EDF Energy

Mae’r Aelod Cynulliad, Neil McEvoy, wedi galw’r nlaid Lafur yn “atgas” yn dilyn pleidlais tros ddympio mwd o orsaf bŵer yn nyfroedd de Cymru.

Cafodd y bleidlais ei vhynnal yn y Senedd ddoe (dydd Mercher, Hydref 10) yn sgil dadl danllyd ynglŷn â’r cynllun.

Bellach mae degau o filoedd o dunelli o fwd o orsaf bŵer Hinkley wedi eu harllwys i’r môr oddi ar Benrhyn Gŵyr, a nod y bleidlais oedd rhoi diwedd ar hynny.

Pleidleisiodd 22 o blaid cynnig gan Blaid Cymru a’r Ceidwadwyr i roi’r gorau i’r dympio, a phleidleisiodd 26 yn erbyn.

Er y gwrthwynebiad, mae Aelodau Cynulliad wedi cytuno bod angen gwneud rhagor i dawelu meddyliau’r cyhoedd ynghylch y mater.

Daw’r bleidlais yn sgil ymgais gan Neil McEvoy a’r cerddor o’r Supper Furry Animals, Cian Ciaran, i herio’r dympio yn gyfreithiol.  

“Siom”

“Dw i’n teimlo atgasedd at y Blaid Lafur [yn sgil y bleidlais],” meddai Neil McEvoy.

“Maen nhw wedi caniatáu i fwd o du allan i adweithydd niwclear yng Ngwlad yr Haf gael ei ddympio yng Nghymru heb brofion iawn.

“Roedd pobol yn gweiddi ‘siom’ atyn nhw wrth iddyn nhw adael y Cynulliad. Dw i’n cytuno â’r bobol hynny.”

Dyw’r profion sydd wedi’u cynnal ar y mwd ddim yn ddigonol, yn ôl ymgyrchwyr, a’u pryder nhw yw ei fod yn ymbelydrol ac yn peri niwed i’r cyhoedd.

Mae Llywodraeth Cymru a Chyfoeth Naturiol Cymru wedi wfftio’r pryderon hynny, gan fynnu bod y mwd yn ddiogel. Cafodd protest ei gynnal ddoe (Hydref 10) i gyd-daro â’r bleidlais.

Cymru

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed