Mae cyn-aelod o fudiad annibyniaeth Yes Cymru – sydd wedi’i wahardd yn ddiweddar – yn cyhuddo dwsin o bobol ar y pwyllgor canolog o “danseilio’r mudiad” cyfan.
Mae ffrae fawr wedi datblygu ar y cyfryngau cymdeithasol yn ystod y dyddiau diwethaf wrth i nifer o unigolion honni bod Pwyllgor Canolog Yes Cymru yn arwain “ymgyrch o wahardd aelodau”.
Mae lle i gredu bod bron dwsin o aelodau gwreiddiol y Pwyllgor Canolog a gafodd eu hethol yn ystod cyfarfod cyffredinol y mudiad y llynedd, bellach wedi gadael neu wedi’u gwahardd o Yes Cymru.
Er i golwg360 gysylltu â Yes Cymru ac aelodau unigol, mae pob un wedi gwrthod ymateb i’r ffrae nac ateb cwestiynau am sut y mae’r mudiad yn cael ei redeg.
Gwahardd aelodau
Yn ôl Talat Chaudhri, sydd ei hun yn gyn-aelod o’r Pwyllgor Canolog, yr aelodau sy’n dal i fod ar y pwyllgor yw Iestyn ap Rhobert, Rhidian Hughes, Gweirydd ap Gwyndaf, Moelwen Gwyndaf, Dilys Davies, Tricia Roberts a Leon Russel.
Ar y wefan gymdeithasol Twitter, dywed ei fod yntau wedi cael ei wahardd o’r pwyllgor a’r mudiad cenedlaethol yn “ddiweddar”.
I have just been evicted from @yescymru along with numerous other democratic voices. What a shame that a dozen or so people undermine a fabulous grass-roots organization in their own interests. #cywilydd #yescymru #purge
— Talat Chaudhri (@talat) October 9, 2018
Ond er iddo dderbyn ac ufuddhau i’r “gorchymyn i aros yn dawel” gan y pwyllgor canolog, meddai, mae’n teimlo na ddylai gael ei orfodi i wneud hynny gan na arwyddodd “yr un cytundeb cyfrinachedd” wrth ymaelodi â Yes Cymru.
Honestly I am perplexed not at the power grab but at what power they think there is to grab here! They have instructed me to remain silent but I'm afraid there is no reason why I should do so now that they have expelled me. I signed no confidentiality agreement. Public interest.
— Talat Chaudhri (@talat) October 9, 2018
Mewn neges arall, wedyn, mae’n galw ar Yes Cymru i ddychwelyd at fod yn “fudiad democrataidd sy’n cael ei arwain gan ei aelodau.”
Mae’n ychwanegu bod yr “ewyllys da” ymhlith aelodau ar lawr gwlad yn “anferthol”.
What is required is for @YesCymru to return to being an accountable, democratic organisation led by its members. The good will amongst branch members is enormous. Only in that way can we achieve a democratic Wales for all #yescymru #purge
— Talat Chaudhri (@talat) October 9, 2018
Ymateb Yes Cymru
Mewn ymateb, mae Yes Cymru yn dweud ar Twitter eu bod nhw wedi gwahardd Talat Chaudhri, ynghyd â gweddill swyddogion cangen Aberystwyth, yn dilyn honiadau eu bod wedi “torri rheolau’r côd ymddygiad a chamarwain y mudiad yn ehangach”.
Fe gafodd ymchwiliad ei gynnal ar y mater, medden nhw, ond methodd Talat Chaudhri ag ymateb pan gafodd gyfle i wneud hynny.
Local YesAberystwyth officers, including Mr Chaudhri faced several allegations they broke The Code of Conduct and misled the wider organisation. An investigation was held, he had an opportunity to respond but did not. Due process was followed and YesCymru acted accordingly.
— YesCymru ??????? (@YesCymru) October 9, 2018