Gwerthu arwydd enwog mynydd Pen-y-Fan

Diweddarwyd  
Yr hen arwydd (blaen) a'r un newydd (cefn) ar gopa Pen-y-Fan.

Yr hen arwydd (blaen) a’r un newydd (cefn) ar gopa Pen-y-Fan

Llun: Ymddiriedolaeth Genedlaethol

Mae’r arwydd adnabyddus sydd ar gopa mynydd Pen-y-Fan ym Mannau Brycheiniog ar werth.

Mae wedi bod ar gopa’r mynydd uchaf yn ne Cymru ers tua phymtheng mlynedd, ac mae’n enwog am gael ei gynnwys mewn lluniau dringwyr sy’n cwblhau’r daith i’r top.

Bydd yr arwydd yn cael ei werthu gan yr Ymddiriedolaeth Genedlaethol ddiwedd yr wythnos nesaf (Hydref 20), a hynny’n rhan o’u hapêl am arian ar gyfer y gwaith cynnal a chadw sydd angen ei wneud ar lwybrau Pen-y-Fan.

Cafodd yr apêl ei lansio ym mis Chwefror, ac mae rhan o’r gwaith eisoes wedi’i gwblhau.

Roedd y gwaith hwnnw’n cynnwys trwsio 200m o lwybr Porth ar Daf, ond mae dal 400m o’r llwybr honno a rhannau o lwybrau eraill ar ôl i’w cwblhau.

Yn ôl yr Ymddiriedolaeth Genedlaethol, mae’r prosiect hwn yn “hanfodol” er mwyn amddiffyn y tirlun a sicrhau bod y llwybrau’n ddiogel ar gyfer y miloedd o gerddwyr sy’n dringo’r mynydd bob blwyddyn.

Mae dros 350,000 o ddringwyr yn dod i Ben-y-Fan yn flynyddol, medden nhw, gyda ffigyrau wedi dyblu yn ystod y pum mlynedd diwethaf.

Mae’n debyg ei bod wedi cymryd tair awr i weithwyr osod arwydd newydd yn lle’r hen un, gan fod yna gymaint o ddringwyr eisiau tynnu llun o’i flaen.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed