Llofruddiaeth Pentywyn: heddlu arfog yn Aberaeron

 

Aberaeron

Llun: Alexander Baxevanis ar Flickr CC 2.0

Fe gafodd yr heddlu arfog eu galw i Aberaeron neithiwr (nis Lun, Hydref 8), yn dilyn adroddiadau bod Steve Baxter, sy’n cael ei amau o lofruddio dyn ym Mhentywyn, wedi cael ei weld yno.

Mae Heddlu Dyfed-Powys wedi cadarnhau bod presenoldeb yr heddlu yn y dref yng Ngheredigion neithiwr yn gysylltiedig â’r ymchwiliad i lofruddiaeth Simon Clark dros wythnos yn ôl (Medi 27).

Chafodd neb eu harestio.  

Y cefndir

Fe gafodd Simon Clark ei ddarganfod yn farw ym Maes Carafanau Grove ym Mhentywyn.

Hyd yn hyn, mae pedwar person wedi cael eu cyhuddo mewn cysylltiad â’i farwolaeth, gydag un dyn 40 oed wedi’i gyhuddo o lofruddiaeth, a thri arall wedi’u cyhuddo o gynorthwyo troseddwr.

Mae’r heddlu’n dal i apelio am wybodaeth ynglŷn â Steve Baxter, 52, sy’n cael ei ddisgrifio ganddyn nhw’n “unigolyn peryglus”.

Mae’n cael ei adnabod wrth yr enwau Steve Rowley, Wayne Tidy neu William Tidy, ac mae ganddo gysylltiadau ag ardaloedd yng ngorllewin a de Cymru, yn ogystal â de-orllewin a gogledd Lloegr.

Maen nhw hefyd yn dweud ei fod yn 5’5’’ o daldra, ac mae ganddo datŵau ar ei freichiau, sef yr enw ‘Chez’ a siâp cylchoedd ar ei fraich chwith, a neidr ar ei fraich dde.

Mae’r elusen, Taclo’r Taclau, wedi addo gwobr ariannol o hyd at £5,000 i unrhyw un sy’n cysylltu â nhw gyda gwybodaeth a all arwain at ei arestio.

Clonc360

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed