‘Angen symud cannoedd o swyddi o Gaerdydd’ meddai mudiad iaith

Diweddarwyd am  
Adeilad y Senedd, Bae Caerdydd

Y Senedd

Llun: golwg360

Mae ymgyrchwyr iaith yn galw ar Lywodraeth Cymru i greu cannoedd o swyddi y tu hwnt i Gaerdydd trwy symud rhai o’i hadrannau oddi yno.

Yn ôl Cymdeithas yr Iaith, mae allfudo yn un o’r prif heriau sy’n wynebu’r Gymraeg ar hyn o bryd, wrth i bobol ifanc adael eu cymunedau i chwilio am waith.

Maen nhw hefyd yn dadlau bod gan yr iaith “statws israddol” o fewn y gwasanaeth sifil, gan mai dim ond isadran – sydd wedi’i lleoli yng Nghaerdydd – sydd ganddi.

“Dyw’r cydbwysedd ddim yn iawn”

“Mae datganoli swyddi allan o Gaerdydd yn bwysig o ran sicrhau bod gennym economi ac iaith gynaliadwy a ffyniannus ledled y wlad,” meddai Jeff Smith, cadeirydd grŵp cymunedau Cymdeithas yr Iaith.

“Dyw’r cydbwysedd ddim yn iawn ar hyn o bryd. Hefyd, wrth siarad gyda nifer o grwpiau eraill, mae’n glir nad oes digon o ddylanwad gan Isadran y Gymraeg bresennol y Llywodraeth.

“Mae beirniadaeth hefyd fod yr uned yn rhy Gaerdydd-ganolog ei meddylfryd, sy’n gallu, ac wedi, bod yn broblem o ran llunio’r polisïau gorau i’r iaith.

“Felly, mae dadl gref dros y newid yma.”

Symud adrannau

Mae Cymdeithas yr Iaith yn galw am symud cannoedd o swyddi drwy naill ai sefydlu neu adleoli’r cyrff canlynol mewn ardaloedd y tu hwnt i’r brifddinas:

  • Adran Gymraeg newydd Llywodraeth Cymru;
  • Awdurdod Darlledu Cymru;
  • Arolygiaeth Cynllunio Cymru;
  • Corff Datblygu Economaidd;
  • Cwmni Ynni Cenedlaethol.

Maen nhw hefyd eisiau gweld adrannau eraill yn cael eu symud, gan gynnwys adrannau amaeth, addysg ac economi.

Mae’r galwadau hyn yn rhan o’r ddogfen bolisi, ‘Gwaith i Adfywio Iaith’, a fydd yn cael ei chyhoeddi yng nghyfarfod cyffredinol Cymdeithas yr Iaith ym Mlaenau Ffestiniog ar Hydref 13.

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer