Llai o bobol ifanc yn yfed alcohol yng Nghymru

 

Mae Cymru ymhlith y gwledydd hynny yn Ewrop lle mae yfed ymhlith pobol ifanc wedi gostwng mwyaf rhwng 2002 a 2014.

Yn ôl yr adroddiad gan Sefydliad Iechyd y Byd (WHO), mae Cymru wedi gweld yr ail ostyngiad mwyaf yn nifer y bechgyn 15 oed sy’n yfed alcohol yn wythnosol, gyda’r ffigwr yn 11.8% yn 2014 o gymharu â 47.6% yn 2002.

O ran merched ifanc wedyn, gwelwyd cwymp o 31.2% yn 2002 i 10.3% yn 2014.

Dywed yr adroddiad fod yna ostyngiad wedi bod ledled gwledydd Ewrop.

Ond er bod yr elusen Addaction yn croesawu’r adroddiad, maen nhw’n dweud bod pethau fel iechyd meddwl gwael, hunan-niweidio a chyffuriau yn dod yn fwy o broblem ymhlith pobol ifanc erbyn hyn.

“Golau rhybuddio eraill yn fflachio”

“Mae’n beth da bod pobol ifanc yn yfed llai ond dyw hyn ddim yn meddwl eu bod nhw’n ffynnu,” meddai Karen Tyrell o Addaction.

“Mae golau rhybuddio eraill yn fflachio, ac mae’n rhaid i ni gadw llygad ar broblemau cynyddol fel hunan-niweidio, sylweddau ac iechyd meddwl.

“Yn nifer o’r meysydd hyn, dyw pobol ifanc ddim yn cael cymorth. Mae yna lai o lefydd y gallan nhw droi atyn nhw ac yn aml dyw’r help sydd yna ddim yn ddigon da.”

Gwledydd eraill

Lloegr a welodd y gostyngiad mwyaf yn nifer y bobol ifanc sy’n yfed alcohol yn wythnosol.

Roedd bron hanner (50.3%) o fechgyn 15 oed yn yfed yn wythnosol yn 2002, o gymharu a 10% yn 2014.

Roedd mwy na dau o bob pump (43.1%) o ferched ifanc yn yfed yn 2002, ond erbyn 2014 roedd y ffigwr hwnnw wedi gostwng i un o bob deg (8.9%).

Roedd yr Alban yn ail o ran merched ifanc, gyda’r ffigwr yn y wlad honno’n gostwng o 41.1% i 10.7%.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones