Deiseb yn galw am ‘Bont Bendigeidfran’ dros y Fenai

Diweddarwyd  

Pont Bendigeidfran

Llun: Benji Poulton

Mae deiseb ar wefan y Cynulliad yn galw am godi pont ar ffurf cerflun o’r cawr Bendigeidfan fel trydedd croesfan dros afon Menai.

Hyd yma, mae’r ddeiseb, a gafodd ei chychwyn gan Benji Poutlon o Penrhosgarnedd, Bangor, wedi denu bron i 200 o enwau.

Mae’r ddeiseb yn gofyn yn benodol am i’r cynllun, a gaiff ei ddisgrifio mewn fideo, gael ei ystyried yn ffurfiol ynghyd â’r cynigion eraill am drydedd pont a gafodd eu cyflwyno mewn ymgynghoriad yn gynharach eleni.

Yn ôl y ddeiseb, byddai cynllun ‘Pont Bendigeidfran’ yn “ychwanegiad mwy priodol i’r ddwy bont fyd-enwog y ceir eisoes yn y lleoliad hwn”.

Ar y sail honno, mae’r deisebwyr yn “galw am asesu’r cynnig amgen hwn yn llawn ochr yn ochr â’r opsiynau gwreiddiol a gyflwynwyd yn ymgynghoriad cyhoeddus diweddar Llywodraeth Cymru ynghylch trydedd bont dros y Fenai.”

Daw stori Bendigeidfran o ail gainc y Mabinogi, Branwen Ferch Llyr, fel y cawr a estynnodd drosodd o Gymru i Iwerddon i alluogi Branwen i  ddod yn ôl adref i Gymru, ac o’r chwedl hon y daw’r ymadrodd ‘A fo ben bid bont’.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed