181 o ddosbarthiadau ysgol yn rhy fawr

Diweddarwyd am  

Llyr Gruffydd

Llun: Cynulliad Cenedlaethol Cymru CC 2.0

Mae’r nifer o ddosbarthiadau sydd â gormod o ddisgyblion ynddyn nhw wedi cynyddu, yn ôl y ffigurau diweddaraf.

Yn 2017/18, roedd yna 181 dosbarth iau – blynyddoedd 3 i 6 – yng Nghymru gyda mwy na 30 o ddisgyblion, yn ôl ffigurau Llywodraeth Cymru.

Mae hynny bedair gwaith yn fwy na’r ffigwr ar gyfer 2013/14 – sef 44 dosbarth – a hon yw’r pumed flynedd yn olynol i’r ffigwr gynyddu.

Yn ôl yr Aelod Cynulliad ac ysgrifennydd addysg cysgodol Plaid Cymru, mae’r duedd yn un “sy’n achosi pryder”.

“Mae’r Llywodraeth Lafur hon yn methu ag ymdrin â chynnydd ym maint dosbarthiadau, mae’n torri ei rheolau ei hun ac yn rhoi nifer cynyddol o athrawon dan fwy o bwysau,” meddai Llŷr Gruffydd.

“Mae plant, eu rhieni a’r proffesiwn dysgu yn haeddu llawer mwy nac addewidion gwag sy’n cael eu torri’n ddyddiol yn ein hysgolion.”

Babanod

Yn achos dosbarthiadau babanod – derbyn, a blynyddoedd 1 a 2 – mae’r nifer o ddosbarthiadau â mwy na 30 o ddisgyblion wedi disgyn.

Er hynny dyw’r nifer heb ddisgyn i sero, a hynny er gwaetha’r ffaith bod dosbarthiadau o’r fath yn anghyfreithlon dan un o gyfreithiau Llywodraeth Cymru.

Cafodd y ffigurau yma eu darganfod gan wasanaeth ymchwil y Cynulliad yn dilyn cais gan Llŷr Gruffydd. Gallwch weld casgliad llawn isod.

Ffigurau

Iau

  • 2017/18 – 181 dosbarth gyda mwy na 30 o ddisgyblion
  • 2016/17 – 166 dosbarth
  • 2015/16 – 140 dosbarth
  • 2014/15 – 89 dosbarth
  • 2013/14 – 44 dosbarth

Babanod

  • 2017/18 – 11 dosbarth anghyfreithlon o fawr
  • 2016/17 – 27 dosbarth
  • 2015/16 – 14 dosbarth
  • 2014/15 – 24 dosbarth
  • 2013/14 – 24 dosbarth

 

 

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones