Rhys Ifans yn agor sinema newydd Caernarfon

Diweddarwyd am  

Rhys Ifans yn Galeri, Medi 21

Llun: Into Film

Mae Rhys Ifans yn cynnal cyfres o ddigwyddiadau heddiw er mwyn dathlu agoriad sinema newydd yng Nghaernarfon.

Bydd yr actor enwog yn cwrdd â thua 120 o blant ysgol ac yn sôn am ei waith, a heno bydd y ddarlledwraig Lisa Gwilym yn ei holi am ei yrfa.

“Mae ffilm yn gyfrwng mor bwerus a all fynd â ni i fyd arall, ein hysbrydoli ni efo straeon gwych a’n dysgu ni am yr emosiynau rydan ni i gyd yn eu rhannu,” meddai Rhys Ifans cyn yr agoriad swyddogol.

“Mae’r buddsoddiad pwysig hwn yn gyfle gwych i’r gymuned leol allu gwylio’r ffilmiau diweddaraf gyda’i gilydd ar eu stepen drws.”

£4m am estyniad

Bydd y ddwy sgrin sinema yn cael eu gosod mewn dwy ystafell wahanol, gydag un yn ddigon mawr i ddal 119 person, a’r llall yn medru dal 65 o bobol.

Cafodd tua £4m ei wario ar adeiladu’r estyniad, a £150,000 ei wario ar waith adnewyddu ym mar Galeri.

Daeth £1.8m o’r goffrau Croeso Cymru (corff hyrwyddo twristiaeth Llywodraeth Cymru), £1.5m gan Gyngor Celfyddydau Cymru a £185,000 gan Lywodraeth Cymru, gyda Galeri Caernarfon Cyf yn talu’r gweddill.

Mae disgwyl i’r sinema ddenu dros 25,000 o bobol – 500 tocyn yr wythnos ar gyfartaledd – ac mae Galeri’n anelu at ddangos mil o ffilmiau’r flwyddyn.

Rhan o estyniad ehangach yw’r sinema, a gymerodd bron i flwyddyn a hanner i’w adeiladu, ac sy’n cynnwys sawl adnodd gwahanol.

O fewn yr estyniad mae yna fynedfa newydd, swyddfa docynnau newydd, gofod arddangos celf, safle creu celfyddydol, swyddfa newydd i staff Galeri ac ystafell gyfarfod.

Mae’r seremoni agor swyddogol yn digwydd am 2.30yp.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer