“Siomedig iawn” na chaiff disgyblion wneud Lefel A Cymraeg yn Porthcawl

Diweddarwyd  
Dosbarth mewn ysgol

Llun: CCO

Mae’n “siomedig iawn” bod llond llaw o ddisgyblion yn ardal Pen-y-bont ar Ogwr methu ag astudio lefel A Cymraeg, yn ôl Llywodraeth Cymru.

Roedd y disgyblion o Ysgol Gyfun Porthcawl, Porthcawl, wedi clywed bod modd iddyn nhw wneud y pwnc cyn belled â bod lleiafrif o dri yn ymrwymo i’w astudio

Ond, yn ôl adroddiad gan WalesOnline er i’r nifer angenrheidiol fynegi diddordeb, mae wedi dod i’r amlwg nad oes modd iddyn nhw wneud hynny oherwydd nad oes lle yn yr amserlen.

Pwyso am ateb

“Mae’n siomedig iawn gweld sefyllfa lle nad yw pobl ifanc yn cael cyfle i astudio’r Gymraeg ar lefel Safon Uwch,” meddai llefarydd ar ran Llywodraeth Cymru, “ac rydyn ni’n pwyso ar yr ysgol a’r awdurdod lleol i ddod o hyd i ateb i’r sefyllfa hon.”

Mae’r Llywodraeth wedi ymrwymo, meddai’r llefarydd, “i gynyddu nifer y disgyblion sy’n astudio’r Gymraeg ar lefel Safon Uwch”, ac maen nhw’n dweud bod gan y cyngor sir “rôl i’w chwarae” o ran hybu’r Gymraeg ym myd addysg.

Mae golwg360 wedi cysylltu â Chyngor Pen-y-bont ar Ogwr ac Ysgol Gyfun Porthcawl am ymateb.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed