Dwy dros Dad: Nia Medi a Carys Eleri yn seiclo o Lundain i Paris

Diweddarwyd  

Carys Eleri a Nia Medi

Llun gan y teulu

Mae’r newyddiadurwraig Nia Medi a’r actores Carys Eleri wedi dechrau eu taith feics o Lundain i Paris.

Mae’r chwiorydd eisoes wedi codi bron i £6,000 at elusen niwronau motor er cof am eu tad, David, a fu farw fis diwethaf, ar ôl cael diagnosis ym mis Ionawr.

Bydd y daith yn cymryd pedwar diwrnod, wrth iddyn nhw reidio mwy na 500km.

Beth yw’r cyflwr?

Cyflwr niwrolegol prin yw Niwronau Motor sy’n effeithio ar yr ymennydd a’r nerfau ac sy’n achosi gwendid sy’n gwaethygu dros gyfnod o amser lle mae’r cyhyrau’n diflannu. Does dim gwellhad o’r cyflwr ar hyn o bryd.

Ar y tudalen codi arian JustGiving, dywed y ddwy chwaer iddyn nhw gael “sioc anferth” pan gafodd eu tad ddiagnosis, “am fod dad wastad wedi bod yn ddyn ffit ac iach”, ac yntau’n gyn-athro ymarfer corff.

“Roedd mewn cadair olwyn gyda braidd dim defnydd o’i goesau a hynny ond pedwar mis ar ôl cael y symptomau cyntaf.

“Bach iawn sy’n cael ei adnabod am y cyflwr a pham ei fod yn digwydd i rai pobl. Ac er bod ambell berson byd enwog wedi bod gyda Motor Neuron, parhau y mae’r diffyg ymwybyddiaeth ynglŷn â’r cyflwr a hynny am ei fod mor brin, ac mae hyn yn effeithio ar y lefel o ymchwil sy’n cael ei wneud i’r mater.”

Y daith

Cafodd y daith ei threfnu pan oedd eu tad yn sâl ac yn sgil ei golli, mae Nia a Carys yn parhau er cof amdano, a Nia wedi cael ei phen-blwydd yn 40 oed ddydd Llun.

“Mae wedi cael effaith ddwys ar ein teulu ac wedi newid ein bywydau yn llwyr,” meddai’r ddwy.

“Drwy gydol ein bywydau r’yn ni wedi – ac yn parhau – i fod mor lwcus o gael tad mor ffyddlon, caredig a chariadus.

“Ein tro ni yw hi nawr i sicrhau ein bod yn gwneud popeth y gallwn ni i ymladd y cyflwr ac i roi gobaith i bobl eraill ar draws y byd sydd hefyd ar y daith anodd yma.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed