“Cyfnod Adam Price ydi hwn” meddai Siân Gwenllian

Diweddarwyd am  
Aelod Cynulliad Arfon, Sian Gwenllian

Sian Gwenllian AC

Llun: Cynulliad Cenedlaethol Cymru

Aelod Cynulliad Arfon, Siân Gwenllian, yw’r diweddara’ i ddatgan ei chefnogaeth i Adam Price yn y ras am arweinyddiaeth Plaid Cymru.

Fe gyhoeddodd ei bod yn cefnogi Aelod Cynulliad Dwyrain Caerfyrddin a Dinefwr mewn cyfweliad â Radio Cymru heddiw (dydd Mawrth, Medi 11), a hynny yn dilyn hystingau ym Mhrifysgol Bangor neithiwr.

Dywed Siân Gwenllian mai Adam Price yw’r un i arwain Plaid Cymru wrth i Gymru “wynebu cyfnod newydd, heriol, cyffrous”.

“Fo ydi’r un i arwain”

“Mae ganddo weledigaeth uchelgeisiol; mae’n meddwl yn strategol; mae ganddo atebion cadarn,” meddai Siân Gwenllian.

“Dw i’n cefnogi Adam oherwydd mae Plaid Cymru a Chymru angen arweinydd sydd â chynllun ac arweinydd sydd â’r gallu i ysbrydoli eraill er mwyn gwireddu’r cynllun hwnnw,” meddai.

“Edrychaf ymlaen at gydweithio efo fo, dros Gymru.”

Her

Mae’r cyhoeddiad diweddara’ hwn yn golygu bod pob Aelod Seneddol ac Aelod Cynulliad yng ngogledd Cymru, ar wahân i Rhun ap Iorwerth yn Ynys Môn, yn cefnogi Adam Price.

Y tri ymgeisydd ar gyfer yr arweinyddiaeth yw Leanne Wood, Rhun ap Iorwerth ac Adam Price.

Bydd enw’r arweinydd newydd yn cael ei gyhoeddi ar Fedi 28.

Cymru

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed