Priodas Bryn a Sharleen wedi rhoi Llandyrnog “ar y map”

Diweddarwyd  
Bryn Williams

Bryn Williams yn arwain yr ymgyrch ‘Blas o Gymru’ yn Llundain

Mae priodas prif-gogydd a chantores roc dros y Sul wedi rhoi pentref bach yn Sir Ddinbych “ar y map”, yn ôl un o’r trigolion.

Mi briododd, Bryn Williams a Sharleen Spiteri, cantores y band Texas, ddydd Sadwrn (Medi 8), yn Eglwys St Tyrnog, a chafodd y seremoni gryn dipyn o sylw gan y wasg.

Yn Llandyrnog ger Dinbych y cynhaliwyd y briodas, ac ymhlith y gwesteion roedd Stella McCartney, y ddylunwraig a oedd hefyd wedi creu’r ffrog briodas.

Yn ôl Rosamund Johnson, perchennog siop a swyddfa bost Llandyrnog, roedd pob un o’r trigolion wedi ymgynnull ar y brif stryd er mwyn bod yn rhan o’r achlysur.

“Roedd hi’n brysur iawn,” meddai wrth golwg360. “Roedd y pentref cyfan allan.

“Mae’r holl beth wedi rhoi Llandyrnog ar y map, i ddweud y gwir. Roedd o’n beth neis i’w brofi. Dydech chi ddim yn gweld llawer o sêr ac enwogion yma!”

Y briodas

Cyrhaeddodd Sharleen Spiteri, 50, y briodas mewn Aston Martin gwerth £3m, yn ôl adroddiadau, ac mi fenthycodd y cerbyd hwnnw wrth y DJ enwog, Chris Evans.

Fe briododd Bryn Williams, 41, yn Eglwys Blwyf Saint Tyrnog yn ei ardal enedigol.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed