Ymgyrchwyr am erfyn ar gynghorwyr i wrthod caniatâd i Wylfa Newydd

Diweddarwyd am  
Llun gwneud o sut y bydd yr atomfa newydd yn edrych

Safle Wylfa Newydd

Llun: Horizon

Mae ymgyrchwyr gwrth-niwclear yn galw ar gynghorwyr Môn i beidio â rhoi caniatâd cynllunio i gwmni Horizon.

Mae’r cwmni’n bwriadu agor gorsaf bŵer newydd ar hen safle Wylfa ger pentref Cemaes yng ngogledd-ddwyrain yr ynys, a bellach mae cais wedi ei gyflwyno i baratoi a chlirio’r safle hwnnw.

Heddiw (dydd Mercher, Medi 5), mae mudiad PAWB (Pobol Atal Wylfa B) yn mynd i fod yn erfyn ar Bwyllgor Cynllunio Cyngor Môn i wrthod y cais.

Mae’r ymgyrchwyr hefyd yn galw ar y Cyngor cyfan i “geryddu” Horizon am “ysgubo hawl draddodiadol pobol leol” i wrthwynebu’r cais.

Pam bod gwrthwynebiad?

Mae PAWB yn honni bod yna lu o resymau tros wrthwynebu’r cais, yn cynnwys:

  • Bydd y prosiect yn achosi “dinistr amgylcheddol”
  • Mae’r safle yn ffinio ag Ardal Harddwch Naturiol Eithriadol Ynys Môn
  • Mi fyddai’n bygwth rhywogaethau dan warchodaeth amgylcheddol
  • Mi fyddai safleoedd o ddiddordeb hanesyddol yn cael eu colli
  • Mi fyddai’n amhosib adfer y safle i’w gyflwr presennol

Honiadau gan PAWB yw’r uchod, ac mae golwg360 wedi gofyn i Horizon am ymateb.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed