Cyflwr capel coffa Llyn Celyn yn “warthus” meddai cyn-ddisgybl

Diweddarwyd  

Mae cyn-ddisgybl yn Ysgol Gynradd Capel Celyn yn dweud bod cyflwr y capel coffa ar lannau’r llyn heddiw yn “warthus”.

Cafodd y capel coffa ei adeiladu yn fuan ar ôl i’r argae yng Nghwm Tryweryn gael ei greu yn y 1960au, gan foddi pentre’ a chymuned Capel Celyn er mwyn cyflenwi dŵr i ddinas Lerpwl.

Dŵr Cymru sydd yng ngofal y llyn bellach, ac mae Eurgain Prysor Jones o’r Bala yn dweud bod angen i’r corff ofalu am y capel coffa yn well.

“Mae o’n ddibwrpas yn hollol fel y mae o,” meddai wrth golwg360. “Mae pawb sydd wedi ymweld â’r lle yn dweud ei fod yn warthus.”

“Mae’r lle yn ‘ych’

Yn ôl tystiolaeth Eurgain Prysor Jones, a adawodd Cwm Tryweryn pan oedd yn 9 oed, mae yna dyllau yn y to a choeden yn tyfu trwyddo yn y capel coffa heddiw; mae graffiti ar y welydd a gwe pry cop ar y ffenestri.

Mae hefyd yn dweud bod ymwelwyr â’r safle yn aml yn defnyddio’r adeilad fel tŷ bach, ac mai dyna’r rheswm pam mae’r capel coffa wedi cael ei gloi erbyn hyn.

“Dw i’n methu â dallt pam nad oes yna drydan o ryw fath i fewn ynddo fo,” meddai. “Mae’n dywyll, dywyll, dywyll.

“Pan mae plant yn dod yno i ofyn i rywun siarad iddyn nhw, mae’r lle yn ych.”

‘Dim cyfrifoldeb y Cyngor Plwyf’

Mae’n dweud ymhellach bod rhai wedi awgrymu y dylai’r adeilad gael ei drosglwyddo i ofal y cyngor plwyf lleol, ond mae Eurgain Prysor Jones yn bendant yn erbyn hynny.

Cyfrifoldeb Dŵr Cymru yw’r capel coffa, meddai, a hynny am ei fod ynghlwm wrth y llyn.

“Does gan y Cyngor Tre’ ddim prês, nad oes? A dim pobol Capel Celyn wnaeth ofyn am y lle,” meddai wedyn.

“Cyfrifoldeb y bwrdd dŵr ydy o, achos mai nhw sydd yng ngofal y llyn.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer