“Adam yw’r dyn i arwain” meddai tri o Aelodau Seneddol Plaid Cymru

Diweddarwyd am  
Adam Price

Adam Price

Llun gan swyddfa Adam Price

Mae tri o Aelodau Seneddol Plaid Cymru wedi datgan eu cefnogaeth i Adam Price yn y ras am arweinyddiaeth Plaid Cymru.

Mae Liz Saville Roberts a Hywel Williams wedi ymuno â Jonathan Edwards trwy gefnogi Aelod Cynulliad Dwyrain Caerfyrddin a Dinefwr i fod yn arweinydd. Mae’r Aelod Seneddol dros Geredigion, Ben Lake, yn cefnogi Rhun ap Iorwerth.

Mewn datganiad ar y cyd, dywed y ddau Aelod Seneddol o ogledd Cymru fod gan Adam Price “record hir o ymladd yn ymarferol dros bobol Cymru a thros egwyddorion a gwerthoedd creiddiol Plaid Cymru”.

“Daeth y dydd”

“Rydym yn falch fod gan ein Plaid bobol o’r fath safon â’r tri ymgeisydd,” meddai Hywel Williams a Liz Saville Roberts.

“Yn ddiau mae gan y ddau arall gyfraniad mawr pellach i’w wneud. Ond, mewn cyfnod mor gynhyrfus a pheryglus i’n cenedl, credwn mai gan Adam mae’r rhagorach weledigaeth a’r gallu i arwain.

“Dangosodd Adam o’r cychwyn cyntaf fod ganddo’r dewrder a’r weledigaeth hanfodol rhyw ddydd i arwain ein plaid. Daeth y dydd. Rydym yn falch o ddatgan ein cefnogaeth i Adam Price fel Arweinydd nesaf Plaid Cymru, a galwn ar ein cyd aelodau i’w gefnogi hefyd.”

Cefnogaeth

Daw cefnogaeth y ddau Aelod Seneddol ar drothwy cyfarfod ym Mhontypridd heno (dydd Mawrth, Medi 4), lle bydd cyfle i aelodau Plaid Cymru holi cwestiynau i’r tri ymgeisydd.

Yn y cyfamser, mae’r cyn-Aelod Seneddol dros Ddwyfor Meirionnydd, Elfyn Llwyd, wedi cyhoeddi ei fod yn cefnogi Rhun ap Iorwerth.

Mae disgwyl i enw arweinydd newydd Plaid Cymru gael ei gyhoeddi ar Fedi 28.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Anrhydeddau Gorsedd y Beirdd 2019