Pêl-droed – cynnal Cwpan y Byd?

Diweddarwyd am  
Y stadiwm o'r tu allan, ochr Stryd Westgate

Stadiwm Principality, Caerdydd

Llun: Seth Whales CCA3.0

Mae Cymdeithas Bêl-droed Cymru wedi datgelu eu bod yn ystyried gwneud cais ar y cyd am Gwpan y Byd yn 2030.

Yn ôl y Prif Weithredwr, Jonathan Ford, mae yna astudiaeth ar droed i weld a fyddai’n bosib cynnal y gystadleuaeth yng ngwledydd Prydain.

Fe ddywedodd wrth Radio Wales y byddai cais ar y cyd gyda Lloegr, yr Alban a Gogledd Iwerddon yn gyfle gwych.

Mae corff rhyngwladol y gamp wedi awgrymu y bydden nhw’n edrych yn ffafriol ar gais gan wledydd Prydain yn y flwyddyn pan fydd y cwpan ei hun yn 100 oed.

Y flwyddyn nesa’

Fydd dim penderfyniad am gais tan yn hwyr y flwyddyn nesa’, meddai Jonathan Ford yn y cyfweliad radio ac fe bwysleisiodd y byddai’n rhaid i’r ymdrech fod ar y cyd.

“Y realit yw y bydd wastad yn bartneriaeth a’r partner rhesymegol yw Lloegr,” meddai. “Ond Cwpan y Byd, gyda’r holl wledydd cartref … Waw! dyna gyfle.”

Mae Lloegr wedi methu gyda cheisiadau diweddar ond fe fyddai’r canmlwyddiant yn cael ei ystyried yn achlysur arbennig gan fod gwledydd Prydain yn hawlio mai yno y dechreuodd y gêm.

Yng Nghymru, dim ond Stadiwm y Principality sy’n ddigon mawr i gynnal gêmau Cwpan y Byd; yn ôl y Gymdeithas, fe fydd angen 16 o safleoedd sy’n dal 40,000 o bobol.

Ond mae’r stadiwm yng Nghaerdydd eisoes wedi cynnal gêmau anferth, yn y byd rygbi a Chynghrair Pencampwyr Ewrop yn 2017.

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones