Wylfa Newydd: Horizon yn gwadu bod cwmni adeiladu wedi tynnu’n ôl

Diweddarwyd  
Llun gwneud o sut y bydd yr atomfa newydd yn edrych

Safle Wylfa Newydd

Llun: Horizon

Mae adroddiadau fod cwmni adeiladu Americanaidd wedi tynnu’n ôl o adeiladu Wylfa Newydd “yn hollol anghywir”, yn ôl cwmni Horizon Nuclear Power.

Roedd papur newydd Siapaneaidd wedi adrodd ddydd Gwener fod un o bartneriaid prosiect Horizon, Bechtel, am dynnu’n ôl o adeiladu’r cynllun £12bn.

Maen nhw’n dweud fod hynny oherwydd costau cynyddol y prosiect yn Ynys Môn.

“Traed oer”

“Gwta ddwy flynedd wedi i Bechtel gael ei ddewis fel partner adeiladu, mae’n ymddangos eu bod wedi dod i’r casgliad na fyddai’n gwneud synnwyr ariannol iddyn nhw gymryd rhan yn y fath brosiect enfawr ac eithafol o ddrud,” meddai Dylan Morgan o fudiad PAWB (Pobol Atal Wylfa B).

“Adroddir bod gwahaniaeth barn rhwng Hitachi a Bechtel ar gost yr adeiladu gydag amcangyfrifon Bechtel yn uwch.

“Os yw cwmni mor fawr â Bechtel yn cael traed oer, bydd hi’n anodd i Hitachi gael cwmni arall i gymryd eu lle. Un syniad a grybwyllwyd oedd y gallai Horizon gymryd lle Bechtel i reoli’r adeiladu.

“Byddai’r risg ynghlwm â hynny’n enfawr gan mai is-gwmni lleol i Hitachi yw Horizon heb unrhyw brofiad o adeiladu dim byd, heb sôn am ddau adweithydd niwclear anghenfilaidd.

“Nid oes gan Hitachi chwaith brofiad o adeiladu adweithyddion niwclear. Eu hanes fu cynnig cynlluniau eu  hadweithyddion dŵr berw i gwmnïau eraill eu hadeiladu.”

“Camarweiniol”

Dywed Richard Foxhall o gwmni Horizon: “Mae hi’n hollol anghywir dweud bod Bechtel yn tynnu’n ôl o Brosiect Wylfa Newydd – maen nhw’n dal wrth galon ein tîm cyflenwi sydd gyda’r gorau yn y byd.

“Mae’r adroddiadau sydd wedi ymddangos yn y cyfryngau yn Japan yn hollol anghywir ac yn gamarweiniol.

“Wrth ystyried eu degawdau o brofiad byd-eang o ddarparu prosiectau seilwaith enfawr yn llwyddiannus, gan gynnwys cymryd rhan mewn dros 150 o orsafoedd niwclear, mae Bechtel wedi bod yn aelod allweddol o’n prosiect ers blynyddoedd a bydd yn chwarae rhan yr un mor ganolog a hanfodol wrth symud ymlaen.”

 

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Anrhydeddau Gorsedd y Beirdd 2019