Trydydd ymddiheuriad Llywydd y Llys

Diweddarwyd am  

Eifion Lloyd Jones ar lwyfan y Gymanfa nos Sul

Llun o’r darllediad ar S4C

Mae Llywydd Llys yr Eisteddfod wedi “ymddiheuro’n llawn a diamod” am sylw a wnaeth yn ystod Cymanfa Ganu’r brifwyl yr wythnos ddiwethaf.

Mewn seremoni yn cyflwyno arweinydd Cymru ar Byd, Iori Roberts, roedd Eifion Lloyd Jones wedi cyfeirio at yr “anwariaid” y bu’n gweithio gyda nhw yn Uganda, Abergele a gogledd Lloegr.

Ar ôl i ffrae fawr godi yn dilyn y sylw hwn, fe gyhoeddodd y Llywydd ddau ddatganiad, gan ymddiheuro am “unrhyw bryder neu loes a achoswyd yn anfwriadol”.

Ond roedd nifer yn teimlo nad oedd yr ymddiheuriad yn ddigonol, gyda phennaeth Ysgol y Gymraeg ym Mhrifysgol Caerdydd, Dylan Foster Evans, yn cyhoeddi ddechrau’r wythnos ei fod yn dileu ei aelodaeth o’r Llys oherwydd y mater.

Erbyn hyn, mewn datganiad personol a gafodd ei ryddhau gan Eifion Lloyd Jones, mae wedi “ymddiheuro’n llawn a diamod” am y gair a ddefnyddiodd yn ystod y Gymanfa Ganu.

“Roedd yr Eisteddfod yr wythnos ddiwethaf yn ddathliad o gynhwysedd, amrywiaeth ac aml-ddiwylliant, pethau sydd i gyd yn agos at fy nghalon,” meddai.

“Rwy’n ymddiheuro’n llawn a diamod am y gair a ddefnyddiais yn seremoni Cymru’r Byd, a gallaf sicrhau pawb fy mod yn gyfan gwbl yn erbyn hiliaeth o unrhyw fath.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed