Prifardd y Goron yn cefnogi Adam Price i arwain Plaid Cymru

Diweddarwyd  

Catrin Dafydd, Enillydd y Goron 2018

Llun: golwg360

Mae enillydd y Goron yn Eisteddfod Genedlaethol Caerdydd wedi datgan ei bod am weld Adam Price yn arweinydd Plaid Cymru.

Yn ôl y bardd a’r awdures, a gafodd ei gwneud yn brifardd yn y brifwyl yr wythnos ddiwetha’, Adam Price fydd yr arweinydd a’r Prif Weinidog “gorau”.

Er i Catrin Dafydd fod yn aelod o ymgyrch ethol Leanne Wood yn arweinydd yn 2012, ac er bod ganddi “barch aruthrol” tuag ati, meddai, mae’n credu bod yr “amser wedi dod” i Adam Price arwain.

Mae’n dweud bod yr Aelod Cynulliad dros Ddwyrain Caerfyrddin a Dinefwr yn “wladweinydd penigamp”, sydd â’r gallu i “arwain y genedl ar daith i annibyniaeth”.

Mae hefyd yn dweud bod ei “uchelgais fawr dros Gymru wedi ei wreiddio’n ddwfn yn egwyddorion ein plaid”, a bod ganddo “ddawn anarferol i arwain ac ysbrydoli ar lefel lleol, cenedlaethol a rhyngwladol”.

“Siglo seiliau gwleidyddiaeth”

“Ar gyfnod mor ansicr yng Nghymru a thros y byd, mae gwir angen arweinydd cadarn a phrofiadol ar y Blaid a’r wlad – arweinydd all gyflwyno syniadau creadigol, radical ac arloesol er mwyn trawsnewid economi Cymru,” meddai.

“Adam yw’r person gyda’r cynllun hwnnw a byddai ei ethol yn arweinydd ar ein plaid yn sicr o siglo seiliau gwleidyddiaeth Cymru a thu hwnt.

“Gallwn ennill gydag Adam.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed