Cryfhau cyswllt y Cymry â Chôr y Cewri

Diweddarwyd am  
Côr y Cewri

Côr y Cewri

Llun Pixabay (CCO Creative Commons)

Mae’r cysylltiad rhwng Côr y Cewri (Stonehenge) a Chymru wedi cryfhau ymhellach yn sgil darganfyddiad diweddaraf gwyddonwyr o Rydychen.

Roedd arbenigwyr eisoes yn gwybod bod yna gysylltiad cryf rhwng gorllewin Cymru â’r heneb yn Wiltshire yn Lloegr, gan fod ei meini gleision yn hanu o Sir Benfro.

Ond yn sgil gwaith ymchwil gan dîm o Brifysgol Rhydychen, mae gwir gryfder y berthynas wedi dod i’r fei.

Darganfyddiad diweddaraf y tîm yma, yw mai gweddillion pobol hynafol o orllewin Cymru sydd wedi’u claddu ar safle’r meini.

Ac mae lle i gredu bod yr unigolion yma wedi helpu i godi’r cerrig mawrion.

Damcaniaethau

Mae’r darganfyddiad yma o bwys, gan fod ansicrwydd o hyd ynglŷn â sut cafodd y cerrig eu codi, a sut wnaethon nhw gyrraedd yno yn y lle cynta’.

Un damcaniaeth yw bod y cerrig wedi’u codi yng Nghymru yn wreiddiol, ond eu bod wedi’u trosglwyddo i Loegr yn ddiweddarach.

Byddai’r darganfyddiad wedi bod yn fel ar fysedd y diweddar Athro Geoffrey Wainwright, cyn Brif-archeolegydd â Threftadaeth Lloegr, a fynnodd trwy ei oes mai’r Cymry a gododd y meini.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed