Geraint Thomas: cynlluniau am ddathliad swyddogol

Diweddarwyd am  

Y Llyfrgell Genedlaethol yn troi’n felyn i ddathlu buddugoliaeth Geraint Thomas yn y Tour de France

Llun: Llyfrgell Genedlaethol

Mae gwleidyddion a chynghorwyr wrthi’n trafod sut i ddathlu buddugoliaeth Geraint Thomas yng nghystadleuaeth enwog y Tour de France.

Mae’r seiclwr yn hanu o Gaerdydd, ac ef oedd y person cyntaf o Gymru i ennill y gystadleuaeth wrth groesi’r llinell derfyn ym Mharis ddydd Sul.

Bydd Geraint Thomas yn dychwelyd i’r Deyrnas Unedig yn ddiweddarach ddydd Llun (Gorffennaf 30), ond nid yw’n glir pryd y bydd yn ôl yng Nghymru.

Mae Prif Weinidog Cymru, Carwyn Jones, wedi dweud yr hoffai weld dathliad swyddogol, ac y byddai’n trafod y posibiliad â swyddogion yn y Bae.

Hefyd, mae Cyngor Caerdydd wedi dweud yr hoffen nhw gynnal dathliad o ryw fath.

Paris a Chaerdydd

Ar ddydd Sul (Gorffennaf 29) fe wnaeth cannoedd o seiclwyr deithio o Fae Caerdydd i Gastell Caerdydd i ddathlu buddugoliaeth Geraint Thomas.

Ac ym Mharis, cafodd baneri Cymru eu gosod ger y llinell derfyn yng nghanol Paris.

Ymateb Cyngor Caerdydd

“Mae Caerdydd yn hynod o falch o gyrhaeddiad Geraint, a’i lwyddiant ysgubol i chwaraeon Cymru,” meddai llefarydd ar ran Cyngor Caerdydd.

“Bydd y ddinas yn awyddus i ddathlu dychweliad Geraint, ac fe fyddwn yn dechrau trafodaethau â Geraint a Beicio Cymru ar ddechrau’r wythnos hon.”

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer