Adrodd am droseddau “yn bwysig”, yn ôl cynhyrchydd teledu

Diweddarwyd am  

Llun: Pixabay CC0

Mae’n “bwysig” bod y wasg a’r cyfryngau yn adrodd am y cynnydd mewn troseddau yn Llundain, meddai cynhyrchydd o Gymru sy’n byw yn ddinas.

Mae Lowri Fflur Davies, sy’n ferch fferm o Sir Benfro, wedi byw yn Llundain ers tair blynedd, a thros y cyfnod hwnnw mae wedi gweithio ledled y ddinas yn creu rhaglenni ar gyfer y BBC, ITV a Channel 4.

Er ei bod yn cydnabod bod troseddau fel lladrata a thrywanu yn digwydd ym mhob dinas, dyw hi ddim yn credu bod yr holl sylw sy’n cael ei roi i Lundain yn y wasg yn “annheg”, gan fod angen i bobol wybod beth sy’n digwydd yno, meddai.

“Yn amlwg, mae’n digwydd ym mhob man, ond mae’r ffigyrau’n mynd i fod yn uwch yn Llundain oherwydd y nifer o bobol sy’n byw yma,” meddai wrth golwg360.

“Mae yn digwydd, ac mae’n bwysig bod pobol yn gwybod ambwyti fe.

“Mae’n bwysig eu bod nhw [y wasg] yn dweud wrth bobol beth sydd wedi digwydd ac yn y blaen, fel ein bod ni’n gallu bod yn fwy vigilant wrth fynd rownd pob dydd a gwybod ble mae’r hot-spots ac yn y blaen.

“Mae unrhyw newyddion fel yna yn help i bobol eraill, rili.”

“Cwbwl saff”

Wrth nodi ei bod yn gweithio ym mhob rhan o’r ddinas yn rhinwedd ei gwaith, mae Lowri Fflur Davies yn dweud ei bod yn “ffodus iawn” nad yw hi wedi cael unrhyw brofiadau annifyr ei hun.

Mae’n byw yn ardal Peckham Rye yn ne-ddwyrain Llundain, lle mae’n teimlo’n “gwbwl saff”, meddai wedyn.

“Yn amlwg, mae yna lefydd yn y dwyrain sy’n peri’r mwyaf o drwbwl,” meddai. “Mae hwnna dros yr afon, felly dw i’n byw islaw’r afon.

“Ac yn amlwg, mae rhaid jyst bod yn real sensible rili ambwyti ble’r ydych chi’n mynd a be’ ydych chi’n ei wneud ambell waith. Dw i ddim yn gorfod mynd i’r ardaloedd yna [y tu hwnt i’r afon].

“Lle dw i’n gweithio, dyw’r swyddfeydd ddim yn yr ardaloedd yna, felly dw i’n lwcus.

“Er, ar hyn o bryd, dw i’n gweithio yn y gogledd-ddwyrain lle mae lot o ladrata ffôns wedi bod o fopeds ac yn y blaen.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Perthynas gymhleth Cymru a Lerpwl