“Diffyg gofal” am heddlu protestiadau Donald Trump meddai Comisiynydd

 
Arfon Jones

Comisiynydd Heddlu’r Gogledd, Arfon Jones

Llun: Plaid Cymru trwy Comin Wicimedia

Mae “diffyg gofal” am yr heddlu sydd wedi teithio o’u lluoedd arferol er mwyn cadw’r protestiadau yn erbyn Donald Trump yn ddiogel.

Dyna farn Comisiynydd Heddlu Gogledd Cymru wrth ymateb i luniau o lety “annerbyniol” y swyddogion sydd wedi’u hanfon o wahanol rannau o Gymru a Lloegr i weithio yn y protestiadau.

“Diffyg gofal ofnadwy,” meddai Arfon Jones ar Twitter, ac ail-drydar erthygl yn gofyn pam ddylai’r wladwriaeth dalu am “fini-brêc” Donald Trump.

Yn ôl Ffederasiwn yr Heddlu, mae’r gost o gael cynifer o swyddogion ychwanegol hyd at £10 miliwn.

Mae dirprwy Arfon Jones, Ann Griffith, wedi dweud bod y cyfleusterau yn “annigonol” ac yn “warthus.”

“Waeth na charchar”

Mae lluniau’r llety yn dangos rhesi o welyau gwersylla yn llenwi campfa a matiau cysgu ar y llawr mewn ystafell sboncen er mwyn i swyddogion allu cael seibiant rhwng shifftiau hir o heddlua taith Arlywydd America.

Mae Ffederasiwn yr Heddlu wedi cwyno gan gymharu’r amodau’n waeth na mewn cell carchar. Yn ôl y sefydliad, mae disgwyl i 300 o swyddogion i gysgu yn y gampfa heb ddŵr cynnes a dim llawer o fwyd cynnes.

Dywedodd hefyd bod swyddogion dim ond yn cael tair i bedair awr o gwsg cyn shifft 15 awr o achos yr amodau.

Mae’r Cyngor Penaethiaid Heddlu Cenedlaethol wedi dweud bod y sefyllfa yn annerbyniol ac yn dweud bod Heddlu Essex, lle mae’r llety, yn gweithio ar frys i wella’r sefyllfa.

Cymru

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed