Newyddiadurwr yn tynnu nyth cacwn yn ei ben tros gefnogi Lloegr

Diweddarwyd  

Mae’r newyddiadurwr rygbi o Gymru, Peter Jackson wedi ennyn ymateb chwyrn ar ôl awgrymu y dylai pobol yng ngwledydd eraill Prydain gefnogi tîm pêl-droed Lloegr yng Nghwpan y Byd.

Fe fydd Lloegr yn herio Croatia heno (nos Fercher) am le yn rownd derfynol y gystadleuaeth yn erbyn Ffrainc nos Sul.

Mae cryn dipyn o Gymry wedi dweud ar wefan gymdeithasol Twitter y byddan nhw’n cefnogi Croatia yn y gêm fawr.

Wrth ymateb i hynny, dywedodd Peter Jackson (@JackoRugby), “Pe bai Cymru, yr Alban neu’r naill Iwerddon neu’r llall yn chwarae am [le yn] ffeinal Cwpan y Byd, byddai cefnogwyr Lloegr yn eu cefnogi nhw.”

Wrth ddatgan ei ddiffyg diddordeb fel arfer mewn pêl-droed, ychwanega fod chwaraewyr Lloegr “prin wedi gwneud unrhyw beth o’i le ar y cae neu oddi arno”, cyn ychwanegu ei bod yn “bryd hoelio’r lliwiau i’r hwylbren”.

Ymateb

Ychydig iawn o’r ymatebion i’w neges sy’n cytuno â’i safbwynt, gyda nifer o bobol yn rhoi enghreifftiau o adegau pan fo’r gwrthwyneb yn wir.

Yn eu plith mae gohebydd y BBC, Ian Hamer sy’n dweud bod cefnogwyr Lloegr wedi dweud yn ystod Ewro 2016 eu bod nhw am i Gymru “gael eu trechu” wrth iddyn nhw gyrraedd y rownd gyn-derfynol yn Ffrainc.

Ac fe dynnodd e sylw at sylwadau rhai Saeson nad oedden nhw am i dîm Cymru ennill am ei fod yn “cynnwys chwaraewyr a gafodd eu geni yn Lloegr”.

Mae eraill yn beirniadu’r wasg Seisnig am ddiffyg sylw i Gymru ddwy flynedd yn ôl, wrth iddyn nhw droi eu sylw o hyd at ymgyrch Lloegr ar ôl iddyn nhw adael y gystadleuaeth.

Hyd yn hyn, mae’r neges wedi cael dros 50 o ymatebion.

Cymru

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Tywysogion Cymru – pa rai sy’n werth eu cofio?