Canolfan Cymry Llundain yn dangos gêm Lloegr

Diweddarwyd  

Rownd gyn-derfynol Cwpan y Byd 2018

Llun: www.pixabay.com

Bydd Canolfan Cymry Llundain yn dangos y gêm rhwng Lloegr a Croatia nos yfory (dydd Mercher, Gorffennaf 11), ac maen nhw’n gwahodd pawb yno i gefnogi tîm Gareth Southgate yn rownd gyn-derfynol Cwpan y Byd.

Ac er na wnaeth Cymru sicrhau lle yn y gystadleuaeth yn Rwsia eleni, mi fydd cyfle i’r Cymry hynny sy’n byw yn Llundain i wylio gêm Lloegr yn fyw yn y ganolfan Gymraeg yn Greys Inn Road.

“Ers blynyddoedd, rydan ni’n dangos y rygbi a’r pêl-droed, ac maen nhw wastad yn cael eu mynychu’n dda,” meddai Ceri Wyn, prif weithredwr y ganolfan wrth golwg360.

“Fe allwn ni gael tua 500 o bobol yn yr adeilad.”

Ond er ei bod yn ymwybodol o’r ffaith nad “ein gem ni” yw’r un rhwng Croatia a Lloegr yfory, mae’n dweud bod angen rhoi’r cyfle i bobol ei mwynhau “gan ein bod ni yn Llundain”,meddai.

“Yfory, rydan ni’n ei wneud o, a bod yn gwbwl onest, er mwyn dangos soliadrity.

“Mae ganddon ni venue mawr, ac mae ganddon ni sgrin fawr, ac fe ddylen ni gefnogi Lloegr… os oes rhaid!”

Ar y cyfryngau cymdeithasol, mae’r digwyddiad yn cael ei hysbysu fel cyfle i fwynhau “cwrw oer” ac unrhyw ddiod arall sy’n cynnwys “ice with a slice”.

 

Cymru

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Tywysogion Cymru – pa rai sy’n werth eu cofio?