Cyngor Tref wedi gwahodd yr Eisteddfod i Gaernarfon yn 2021

Diweddarwyd  

Caernarfon

Llun: Velala CC 2.0 trwy Gomin Wicimedia

Wrth i’r Eisteddfod Genedlaethol gyhoeddi heddiw (dydd Sadwrn, Gorffennaf 7) mai Tregaron fydd cartref prifwyl Ceredigion 2020, mae hi wedi dod i’r amlwg fod Caernarfon wedi gwahodd swyddogion i drafod y posibilrwydd o’i chroesawu y flwyddyn ganlynol.

Mae golwg360 yn deall fod rhai o bwysigion y brifwyl wedi cael eu gwahodd i Wyl Fwyd Caernarfon ym mis Mai eleni, gyda’r bwriad iddyn nhw gael gweld tre’r Cofis ar ei gorau a gweld beth sy’n bosib oddi fewn iddi yn 2021.

Cyngor Tref Caernarfon oedd wedi estyn y gwahoddiad i aelodau’r Bwrdd Rheoli a’r Cyngor, er mwyn iddyn nhw gael gweld y miloedd o bobol sy’n tyrru i’r wyl fwyd, a pha fath o effaith y mae hynny’n ei gael ar fusnesau’r dref.

Y gobaith fyddai i’r Eisteddfod a’i holl weithgareddau ddigwydd mewn nifer o safleoedd yng Nghaernarfon, heb orfod mynd am gaeau eang oddi allan i’r dref, fel y digwyddodd gyda phrifwyl Eryri yn 2005. Ar gaeau stad Y Faenol y cynhaliwyd honno, rhwng Y Felinheli a Bangor.

 

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed