Cyngor Môn yn croesawu cyhoeddiad niwclear

 

Cyngor Ynys Môn

Llun: Cyngor Ynys Môn

Mae Cyngor Sir Fôn wedi croesawu cyhoeddiad gan Lywodraeth Prydain o gytundeb newydd werth £200 miliwn gyda’r sector niwclear.

Mae’r prosiectau a all elwa ar hyn yn y gogledd yn cynnwys cyfleuster hydrolig thermol i’w leoli ym Mharc Gwyddoniaeth Menai, yn y Gaerwen, a’r posib o ddatblygu Adweithydd Modwlar Bach (SMR) yn Nhrawsfynydd.

Mae’n dilyn cyhoeddiad diweddar fod Llywodraeth Prydain am gychwyn trafodaethau gyda Hitachi am y cynllun i adeiladu gorsaf bŵer niwclear y Wylfa Newydd.

Dywedodd Arweinydd y Cyngor Sir, y Cynghorydd Llinos Medi, “Mae gan y diwydiant niwclear, trwy ddatblygiad y Wylfa Newydd, botensial i drawsnewid economi’r Ynys a Gogledd Cymru’n ehangach. Mae’r cyhoeddiad yma i’w groesawu ac yn atgyfnerthu eto ymrwymiad Llywodraeth y Deyrnas Unedig i niwclear, fel rhan bwysig o gymysgedd ynni ar gyfer y dyfodol.”

Ychwanegodd y deilydd portffolio Prosiectau Mawr a Datblygu’r Economi, y Cynghorydd Carwyn Jones, “Bydd Cronfa’r Sector Niwclear yn arwain at fuddsoddiad mewn pobl a busnesau ar Ynys Môn a gogledd-orllewin Cymru er mwyn sicrhau eu bod yn gallu gwneud y gorau o’r cyfleoedd a ddaw yn sgil adeiladu’r Wylfa Newydd, yr adweithydd bach yn Nhrawsfynydd a phrosiectau eraill gaiff eu datblygu yn y sector niwclear.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed