TripAdvisor: un seren oherwydd bod y locals yn siarad Cymraeg 

Diweddarwyd am  

Y Sior, Bethesda

LLun: Stephen McKay, CC SA 2.0

Mae’r syniad bod Cymry ond yn troi i siarad Cymraeg pan mae Saeson yn cerdded i fewn i dafarn, yn un “pathetig”, yn ôl perchennog tafarn o Fethesda sydd wedi cael ei beirniadu ar y we oherwydd yr iaith.

Daw sylw Dewi Siôn wedi i’w dafarn – Tafarn y Siôr yn ardal Carneddi, Beteheda – dderbyn adolygiad negyddol un seren ar wefan TripAdvisor am fod Cymraeg yn cael ei siarad yno.

“Fe aeth grŵp ohonom yno ar ôl cerdded yn yr ardal, ac yn syth bin, pan wnaethon ni archebu wrth y bar, fe sylweddolodd y bobol leol mai Saeson oedden ni a dechrau siarad Cymraeg a chwerthin,” meddai’r adolygiad, cyn dyfarnu’r sgôr isaf y gallwch ei roi i sefydliad.

Bellach mae’r neges wedi cael ei dileu, ond cyn i hynny ddigwydd, mi atebodd Dewi Siôn i’r neges, gan dynnu sylw at ei “agwedd”. Mae’r ddwy neges wedi ennyn ymateb ar Twitter.

“Pathetig”

“Dw i’n meddwl bod o’n pathetig i fod yn onest, bod y meddylfryd yna dal i fod,” meddai wrth golwg360. “Dw i ddim yn dallt. ‘Sa chdi’m yn mynd i Ffrainc a chwyno am Ffrangeg.”

Mae Dewi Siôn yn nodi ei fod erioed wedi cael y fath gŵyn o’r blaen, ac yn ffyddiog nad ffug gyfri neu drol oedd awdur y sylw.

“Oedd o’n meddwl beth oedd o’n ddeud, ac mae hynna’n drist,” meddai Dewi Siôn.

Cymru

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed