Arweinyddiaeth Plaid Cymru: tri AC yn galw am herio Leanne Wood

Diweddarwyd  

Mae llythyr gan dri Aelod Cynulliad Plaid Cymru, sy’n galw am gystadleuaeth am arweinyddiaeth y blaid, wedi cael ei gyhoeddi.

Daw hyn ychydig ddiwrnodau ar ôl i arweinydd presennol Plaid Cymru, Leanne Wood, gyhoeddi na fydd hi’n camu o’r neilltu nes etholiadau’r Cynulliad yn 2021.

Yn ôl y llythyr at gyd-aelodau o grŵp Plaid Cymru, sydd wedi’i arwyddo gan Siân Gwenllïan, Elin Jones a Llŷr Huws Gruffydd, maen nhw o’r “farn bendant” bod angen “trafodaeth adeiladol” ar bolisi a chyfeiriad Plaid Cymru.

Mae hyn, medden nhw, er mwyn “paratoi ar gyfer yr heriau etholiadol o’n blaen”.

Maen nhw’n ychwanegu bod “safbwynt Leanne yn glir ac anrhydeddus ar y mater yma”, a’i bod nhw felly yn galw ar aelodau eraill i roi eu henwau ymlaen am yr arweinyddiaeth.

“Mae pob plaid angen adfywiad o bryd i’w gilydd,” meddai’r tri. “Gobeithio y gwnewch oll ystyried y cyfle sydd ar agor nawr i sefyll am yr Arweinyddiaeth – cyfle na fydd yn codi eto tan haf 2020, gydag unrhyw Arweinydd newydd mewn lle ond cwta 6 mis cyn etholiad Cymru 2021.”

Heriau posib?

Ers cyfweliad Leanne Wood gyda’r BBC ganol yr wythnos, mae yna adroddiadau bod dau aelod o grŵp Plaid Cymru ym Mae Caerdydd, sef Adam Price a Rhun ap Iorwerth, o dan bwysau i roi ei henwau ymlaen i herio Leanne Wood.

Er nad yw’r ddau wedi ymateb i’r adroddiadau hyn eto, mae un o gynghorwyr Plaid Cymru ar Gyngor Sir Gaerfyrddin eisoes wedi dweud wrth golwg360 bod “tri chwarter” ohonyn nhw wedi datgan eu cefnogaeth i Adam Price.

Y dyddiad cau ar gyfer enwebiadau am yr arweinyddiaeth yw Gorffennaf 4.

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Tywysogion Cymru – pa rai sy’n werth eu cofio?