Morlyn Bae Abertawe: Alun Cairns “wir am ei weld” yn digwydd

Diweddarwyd  

Morlyn Abertawe

Mae Ysgrifennydd Gwladol Cymru, Alun Cairns, wedi dweud y byddai “wir yn hoffi” gweld cynllun Morlyn Bae Abertawe yn bwrw yn ei flaen.

Mae statws y cynllun £1.3bn – ynghyd â safiad y gweinidog ar y mater – wedi bod yn ansicr ers blynyddoedd, ac mae sïon yn dew bod gweinidogion yn awyddus i gefnu ar y morlyn.

Gerbron Aelodau Seneddol heddiw (dydd Mercher, Mehefin 13), fe alwodd yr Aelod Seneddol Plaid Cymru, Jonathan Edwards, ar Alun Cairns i ddatgan ei gefnogaeth i’r prosiect.

Ac yn ddiweddarach yn ystod y ddadl yn Nhŷ’r Cyffredin, fe ddywedodd Alun Cairns y byddai “wir yn hoffi gweld y morlyn llanw yn bwrw yn ei flaen, ond wrth gwrs rhaid profi ei fod yn cynnig gwerth am arian”.

Gan ateb cwestiwn gwahanol, fe ddywedodd bod ei blaid “yn gwneud unrhyw beth a phopeth y gallwn i wneud hyn i weithio”.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed